Partia Demokratike, subjekti i dytë më i madh politik në vend, edhe pse prej 8 vitesh në opozitës, po avancon drejt skenarit të ndarjes së mundshme në dy parti, një grup politik nën kontrollin e Sali Berishës, ndërsa tjetri nën drejtimin e Lulzim Bashës. Në aksionin e tij politik për të rrëzuar Lulzim Bashën, Sali Berisha ka mbledhur rreth vetes deri më tani 6 deputetë të Partisë Demokratike, si dhe një grup me ish-drejtorë të akuzuar për abuzime, nostalgjikë të pushtetit të tij, të zhgënjyer dhe personazhe të tjerë që janë mënjanuar nga strukturat drejtuese. Ndonëse ka një zbehjen të interesit publik për takimet e fundit, Sali Berisha vijon aksionin nëpër qytetet kryesore të Shqipërisë, duke denoncuar ‘birin e tij politik’ si i pabesë, tradhtar, për dorëzim të sovranitetit të partisë tek amerikanët, si humbës serial, për bashkëpunim me Soros dhe Edi Ramën prapa krahëve etj.
Por, Sali Berisha vijon të mbetet i vendosur për të mos ndjekur rrugën statutore, për të tentuar shkarkimin e Lulzim Bashës dhe rrëzimin e vendimit të tij historik, për ta përjashtuar nga grupi parlamentar demokratike dhe rrjedhimisht nga Partia Demokratike. Statuti i Partisë Demokratike është tepër i qartë sa i takon rrugës për shkarkimin e kryetarit. Lulzim Basha mund të shkarkohet përmes një mocioni mosbesimi në Këshillin Kombëtar të Partisë Demokratike. Pasi të sigurojë më shumë se sa gjysmën e anëtarëve të Këshillit Kombëtar të PD-së, Berisha duhet të sigurojë edhe shumicën e Kuvendit Kombëtar të partisë, i cili me shumicë votash duhet të votojë mocionin e Këshillit Kombëtar.
Statuti i PD-së është i qartë edhe sa i takon rrëzimit të vendimit të Lulzim Bashës për përjashtimin e Berishës nga partia. Berisha, Berisha ka të drejtë në bazë të statutit ta apelojë në Komisionin e Apelimit, Integritetit dhe Etikës në PD, komision i cili drejtohet nga Flutura Açka. Por, jo rastësisht, Sali Berisha refuzon të ndjekë rrugën ligjore, për të realizuar qëllimin që ka shpallur hapur para demokratëve; rrëzimin e Lulzim Bashës. Sali Berisha dhe mbështetësit e tij kanë nisur të mbledhin firma për mbledhjen e Kuvendit Kombëtar, në kushtet kur statuti aktual i PD-së, i votuar dhe i mbështetur nga vetë Berisha, parashikon një tjetër rrugë për shkarkimin e Bashës dhe rrëzimin e vendimit të tij.
Refuzimi i Berishës për të matur forcat me Lulzim Bashën në Këshillin dhe Kuvendin Kombëtar, krijon dyshime të forta se qëllimi i Berishës është krijimin i një formacioni politik, si shkëputje nga Partia Demokratike, për ta përdorur si mburojë përballë veprimit të mundshëm të drejtësisë së re, bazuar në dosjen amerikane të shpalljes non grata. Mbledhja e firmave për të mbledhur Kuvendin Kombëtar duket më shumë si një manovër për të fituar kohë dhe një tallje me demokratët, pasi statuti i PD-së parashikon një rrugë tjetër, madje më të shkurtër dhe të thjeshtë, për të tentuar shkarkimin e kryetarit.
Komente
Lajme të tjera
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Policia procedoi 17 deputetë për protestën, Korreshi: Lani sqetullat se na helmuat, e nuk hamë dot përshesh
27 Nëntor, 20:05 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
Sali NON GRATA do te krijoi PARTINE E SHPELLAREVE.... ne fakt mir do te bej se keshtu pastrohet PD-ja...
Përgjigju