Kur Sali Berisha u shpall nga SHBA person “non grata” në mesin e vitit të kaluar, për vendimin e DASH ai akuzoi ambasadoren amerikane në Tiranë Yuri Kim, Gerog Sorosin dhe Edi Ramën.
Në fund të herës, duke luajtur me justifikimin se sekretari amerikan i shtetit Antony Blinken ishte mashtruar për interesa personale nga këto persona lobues në Uashington, ish kryeministri demokrat deklaroi se e kishte paditur në një gjykatë në Paris dhe se padia e tij ishte regjistruar.
Teksa ka harruar ditë pas dite se e ka një padi ndaj Blinken në Paris, mund të ketë ndërruar dhe jetë avokati kushedi këtë punë, nuk e përmend në asnjë takim që zhvillon me mbështetësit në kuadër të fushatës zgjedhore të 6 marsit në 6 bashkitë e vendit të mbetur pa kryetar, Berisha nuk harron asnjëherë të deklarojë se është miku më i madh i SHBA dhe se s’ka asgjë me amerikanët.
Pra, ndonëse pa sukses, tenton të ndajë qëndrimin ndaj ambasadores Yuri Kim dhe sekretarit të DASH Antony Blinken me atë të SHBA, duke nënvizuar rast e pa rast se Shtetet e Bashkuara të Amerikës janë partneri më i madh strategjik i Shqipërisë dhe shqiptarëve dhe vendi më mik që na ka dalë për zot në momentet më të vështira për vendin.
Por teksa dëgjojmë deklaratat e tij më të fundit në lidhje me ndërtimin e hidrocentralit të Skavicës në zonën e Dibrës, ëndrra e çdo qeveria për ta ndërtuar që në mesin e viteve ’80 kur në fuqi ishte regjimi i Enver Hoxhës, dilemat për qëndrimin e Sali Berishës ndaj SHBA shuhen përfundimisht.
Teksa i kundërvihet ndërtimit të këtij HEC-i me rëndësi madhore, një mbështetje tërësisht amerikane që nga vizita e Nënsekretarit amerikan për Rritjen Ekonomike dhe Energjinë, Keith Krach ishte në Shqipëri për të firmosur një memorandum bashkëpunimi ekonomik mes Shqipërisë dhe SHBA e deri tek firma Bechtel, që nënshkroi me qeverinë shqiptare një momorandum bashkëpunimi, pikërisht për një ëndërr si Skavica, vihet re se Berisha nuk e paska inatin me Kim, Blinken apo Soros por me vetë Shtetet e Bashkuara të Amerikës.
E themi këtë, sepse ka qënë pikërisht Berisha kryeministër fiks para 12 vitesh, i cili në mbledhjen e qeverisë së drejtuar prej më 3 shkurt 2010 e deklaroi ndërtimin e hidrocentralit të Skavicës si një vepër shumë të madhe dhe jetike për vendin.
“Ne duhet ta ndërtojmë Skavicën. Kaskada është një pasuri e madhe dhe Skavica është kurora e kaskadës, nëna e të gjitha digave nën të. Parimi i këtij projekti do të jetë përmbytja më e vogël, prodhimi më i madh. Ndërtimi i saj ul në mënyrë shumë të ndjeshme e mundësitë e përmbytjeve të mëdha në zonën e nën Shkodrës dhe Shkodrës.
Qeveria ka faktuar se në Shqipëri ekzistojnë mundësitë e ndërtimit të veprave botërore. Skavica, përbën edhe nënën e digave nën të, në sensin e ushqimit të tyre të pandërprerë, me sasitë e nevojshme të ujit për turbinat e Fierzës, Komanit, Vaut të Dejës dhe Ashtës. Skavica jo vetëm që shton rreth 350-400 megavat prodhim energjie, por ajo optimizon tërë funksiononim e kaskadës”, deklaroi Berisha 12 vite më parë. Ai ka nënvizuar se Skavica, për shkak të optimizmit që i bën kaskadës, rrit me 1 miliard kilovat/orë prodhimin e energjisë nga të gjithë hidrocentralet e saj dhe se nëse bëhej nga buxheti i shtetit, kosto do të ishte mbi gjysmë miliardi dollarë. Teksa e cilësonte një vepër madhore të mandatit të tretë qeverisës, që pretendonte ta fitonte në qershor të vitit 2013, Berisha vijon ta cilësojë këtë vepër madhore të energjisë së rinovueshme nëna e të gjitha digave.
Por mbështetja e qeverisë shqiptare të drejtuar nga Edi Rama nga ana e qeverisë amerikane për ndërtimin e HEC-it të Skavicës dhe shpallja e tij familjarisht “non grata” nga SHBA në mesin e vitit të kaluar, ka bërë që kjo vepër madhore energjetike, të kthehet tashmë për Berishën në një “njerkë” sipas tij për Dibrën dhe Shqipërinë.
“Skavica është akti më i rëndë që bëhet ndaj Dibrës. E zhduk Dibrën. Zhduk çfarë ka tokë Dibra. E asgjëson. Faktikisht e denatyron Peshkopinë. E kam denoncuar publikisht dhe e denoncoj sërish. Pse? Së pari, është prokurim direkt, për definicion është prokurim korruptiv. Kam respektin më të madh për Bechtel, por Rrugën e Kombit e ka marrë në një tender ku morën pjesë 7 kompani të mëdha botërore e grupi i vlerësimit kanë qenë tre personalitete të mëdha europiane dhe botërore.
Prokurimet direkte janë korruptive. Është projekti i Enver Hoxhës. Të mbytësh Dibrën është jashtë çdo imagjinate, zhduk historinë e kombit. Dibra është një rreth, një trevë me një histori mjaft të ngjeshur. Po u dëmtua Dibra, nuk fiton Shqipëria. Mbytja e Kukësit ishte akti më i gabuar. Ato ishin gjigandomani skizoide”, ka deklaruar Berisha disa ditë më parë.
I përmendëm këto deklarata të Berishës në dy kohë për të treguar në radhë të parë se ish kryeministri demokrat i ndryshon qëndrimet sa herë të jetë në hall, duke i kundërvënë si gjithnjë “Berishën kundër Berishës”.
I cilësuar nga SHBA si një politikan që ka bërë korrupsion të theksuar gjatë qeverisjes së tij, ka minuar demokracinë dhe ka ushtruar presion mbi drejtësinë në Shqipëri, çka solli dhe ndalimin e tij familjarisht për të shkelur në tokën amerikane, por dhe pasojat që i erdhën më pas me përjashtimin nga grupi parlamentar dhe tashmë tërësisht nga PD, Sali Berisha po tregon nga dita në ditë se tërë inatin e ka me qeverinë amerikane, madje dhe me biznesin amerikan, dhe jo me emrat që akuzon rëndom si shkaktarë të ‘varrosjes’ së tij politike.
Ndonëse është në të drejtën e vet që të jetë një anti-amerikan i vendosur sikurse ka qënë gjithnjë, bën pjesë në liritë themelore të njeriut zgjedhja e aleatëve dhe e pozicionimit politik, është po në të drejtën e vet të ndërtojë një parti politike tërësisht anti-amerikane sikurse po e konturon ditë pas dite “Rithemelimin” të bashkuar tashmë dhe me LSI.
Por të paktën të ballafaqohet në bazën e PD dhe në elektorat, sa herë që të ketë zgjedhje në Shqipëri, si një parti anti-amerikane, dhe të tentojë të fitojë vota pikërisht përmes kësaj kauze. Ka plot parti simortra në Europë e më gjërë me këtë status, mund të bashkëpunojë madje me to.
Qëndrimet më të fundit të tij, sidomos pas goditjes së ndërtimit të HEC-it të Skavicës që shërbeu dhe si një “lakmues”, tregojnë qartë se Sali Berisha e ka me amerikanët dhe jo me individë të veçantë në sektorë të ndryshëm të qeverisë amerikane. Thjeshtë inati e nxori në shesh!
Lajme të tjera
-
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35
