Berisha feston me gazetarët: Të
mos ndalemi për bashkim kombëta

TIRANE - Kryeministri i vendit Sali Berisha zhvilloi në Pallatin e Brigadave një takim me gazetarë dhe drejtues të mediave në Shqipëri për të festuar me ta festat e fundvitit.

Kryeministri falenderoi të gjithë përfaqësuesit e saj në të gjitha nivelet, për pasqyrimin e realitetit në vend. Ai e cilësoi median si opozitën më të fuqishme në vend, zhvillimin më pozitiv të këtyre 20 viteve , si dhe vlerë kolosale për lirinë e shqiptarëve.

“Jam mirënjohës i medias, opozita ëmë e shkëlqyer e vendit, realiteti më i fuqishëm, zhvillimi më pozitiv i këtyre 20 viteve, vlerë kolosale për lirinë e shqiptarëve. Përulem para jush, rolit tuaj të pazëvendësueshëm në shoqërinë shqiptare. Mediat bëjnë përpjekje të gjithanshme, përpiqen të tejshkojnë me rreze drite çdo qelizë, labirinth e skutë", tha Berisha.

Shefi i ekzekutivit duke ju referuar pasqyrimit që media bëri për 100 vjetorin e Pavarësisë, deklaroi se shqiptarët nuk duhet të pushojnë së ndërtuari idealin e tyre më suprem, idealin e bashkimit kombëtar.

“Ajo që ndodhi në 28 Nëntor ishte një vërshim i paparë i ndjenjave të dashurisë, respektit, atdhedashurisë të shqiptarëve në të katërta anët e botës.Shqiptarët nuk duhet të pushojnë së filluari për të ndërtuar idealin e tyre më suprem, idealin e Bashkimit Kombëtar”, tha Kryeministri.

Në 100-vjetorin e shpalljes së Pavarësisë së Shqipërisë politikanë të ndryshëm, brenda dhe jashtë Shqipërisë. Nga Shkupi, fillimisht, Kryeministri Berisha dhe ai i Kosovës Hashim Thaçi para festës së vitit jubilar bënë thirrje për bashkim kombëtar. Thirrje të bërë publike edhe nga Aleanca Kuq e Zi e kreshnik Spahisë.

Më pas kryeministri falenderoi mediat dhe gazetarët për shkrimet dhe reportazhet historike të tyre në këtë 100-vjetor, që sipas kryeministrit zbardhën të vërteta që shqiptarët kanë pasur nevojë t’i dinë.

Redaksia Online
(Gre.M/Shqiptarja.com)