POP 5

Lajmet më të lexuara të 5 minutave të fundit

Politikë

I jepet lamtumira e fundit mjekut endokrinolog Isuf Kalo! Kolegët ndajnë copëza kujtimesh me mjekun

Kolegë, miq e të afërm mbajtën homazhe në nderim të figurës së mjekut Isuf Kalo, trupi i të cilit u soll nga SHBA në Tiranë, në përmbushje të amanetit të fundit. Të pranishmit vlerësuan kontributin e jashtëzakonshëm të mjekut në endokrinologji, ndërsa të shtunën përcillet në banesën e fundit në vendlindjen e tij, Tepelenë

Miq, të afërm, familjarë, personalitete e akademik dhe kolegë i dhanë lamtumirën e fundit mjekut të njohur Isuf Kalo.

I ardhur posaçërisht nga Tepelena për homazhin, mjeku Pandeli Qina ndan copëza kujtimesh me doktorin dhe momente që do t’i ruajë përgjithnjë në kujtesë.

“Dhe Bajramin e bënim në Luzat  tek shtëpia e Rexhi Kalos, babait të Isufit. Ka qenë një vëllazërim jo miqësi. Ka qenë një kohë e vërtetë kur e kujtojmë tani përmallemi.”-tha mjeku mjeku Pandeli Qina.

Kolegë të tjerë, dhe deputetë e ministra ish-studentë të mjekut Kalo, folën për kontributin e paçmuar që ai ka lënë në shërbimin e Endokrinologjisë dhe Diabetologjisë për dekada me radhë.

“Të trishtuar për ndarjen nga jeta të profesor Isuf Kalos, një prej korifenjve të mjekësisë shqiptare me një kontribut të paçmuar në fushën e diabetologjisë dhe endokrinologjisë, por dhe një pionier i standarteve e cilësisë së kujdesit shëndetësor në të cilën ai punoi.”- tha Ogerta Manastirliu,ministrja e shëndetësisë.

“Një ndër to jam dhe unë që e kam patur pedagog , mësues, udhëheqës, por mbi të gjitha dhe me veprat që ai ka lënë pas. Vërtet ndihem e trishtuar!”- tha Klodiana Spahiu, deputete e PS.

“Ngushëllime dhe dhimbje për humbjen e një miku me të cilin më bashkon një miqësi e pacenuar në shumë dekada. U nda nga jeta, por ai ka patur dhe ka lënë një kontribut të çmuar në Shqipëri dhe Europë.” -tha Sali Berisha, kreu i Rithemelimit.

“Një njeri i cili tejkaloi dhe ripërtëriti veten e tij në dy sisteme atë komunist dhe padiskutim dhe në nivelet më të larta të OBSH.”- tha mjeku Qamil Dika.

Mjeku Isuf Kalo ka qenë drejtues i programit Evropian të Diabetit midis vitit 1991 dhe 2004 dhe më vonë ka drejtuar programin e Cilësisë së Sistemit Shëndetësor në Evropë. Ai ka qenë mjeku personal i ish diktatorit Enver Hoxha si dhe botues i shumë artikujve ndërkombëtarë. Kalo u nda nga jeta më 19 janar në moshën moshën 80-vjeçare si pasojë e një sëmundje të rëndë.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • asolingo: 27/01/2023 12:37

    Sali qe je komunist ne pikpamje kete e di dhe bufi(dhe mire ben eshte e drejta jote),thjesht nuk nderon me doren. grusht por ngre dy gishtat lart

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Rama njoftoi se do e mbyllë, personazhet shqiptarë të TikTok-ut gjejnë zgjidhjen tek një tjetër aplikacion

Rama njoftoi se do e mbyllë, personazhet shqiptarë të TikTok-ut gjejnë zgjidhjen tek një tjetër aplikacion

26 Dhjetor, 13:08