POP 5

Lajmet më të lexuara të 5 minutave të fundit

Politikë

Berisha i caktoi datën e Kuvendit Kombëtar, Basha i kujton mesazhin me 'Trekëndëshin e Bermudës': S'kam hallin tënd dhe të Ilir Metës

‘Shqipëria, s’mund të mbetet peng i askujt’, kështu thotë kreu i Partisë Demokratike, pas deklaratës së Sali Berishës në Lezhë, i cili tha se më 11 dhjetor do të mbledhë Kuvendin e Kombëtar të PD-së

‘Shqipëria, s’mund të mbetet peng i askujt’, kështu thotë kreu i Partisë Demokratike, pas deklaratës së Sali Berishës në Lezhë, i cili u shpreh nga Lezha se më 11 dhjetor do të mbledhë Kuvendin e Kombëtar të PD-së. Basha, ka publikuar në rrjetet sociale, fjalën e tij në Kuvend një ditë më parë, ku theksoi se Berisha-Meta-Rama, janë trekëndëshi i Bermudës, dhe se kanë ndihmuar që kreu i qeverisë të jetë në pushtet. Basha nënvizon se fati i shqiptarëve, nuk mund  të lidhet me fatin personal dhe politik të asnjë politikani, i majtë apo i djathtë qoftë.

'Shqipëria nuk mund të mbetet peng i askujt. Fati i shqiptarëve nuk mund të lidhet me fatin personal dhe politik të asnjë politikani, i majtë apo i djathtë qoftë!’- shkruan Basha.

Lulzim Basha iu drejtua dje në Kuvend kryeministrit Edi Rama, se kërkon që të ketë përballë presidentin Ilir Meta dhe ish-kryetarin e PD-së Sali Berisha. Sipas Bashës, janë Sali Berisha dhe Ilir Meta ata që e kanë fajin më të madh që Rama është në pushtet, ndërsa ai ka fajin më të vogël.

'Ke hall ti historinë e PD-së. Thuaje më ka marrë malli për Sali berishën dhe Ilir Metën. Shko dhe ti në foltore dhe bëj foltoren tëndë. Qani hall të tre, bëni trekëndëshin e Bermundës. Unë s'jua qaj dot hallin. Të paktën dil hapur dhe mos u fshi. Unë sta plotësoj dot, mua do më kesh përballë që të munda në vitin 2011. Disa miq i ke ti por disa miq i kam edhe unë. Nëse unë të dukem i fortë nuk është faji im, por i dobët s'kam qenë asnjë herë. Kam dhe unë pjesën time të fajit që ti je këtu, por kam pjesën më të vogël, pjesën më të madhe të fajit e kanë dy brinjët e tjera të trekëndëshit të Bermudës', -tha Basha dje në Kuvend.

Sot nga Lezha ish-kreu i PD-së, tha se më 11 dhjetor do të mbante Kuvendi Kombëtar i Partisë Demokratike, pikërisht në ditën kur është themeluar edhe kjo parti 31 vite më parë. Megjithëse kryetari i PD-së e ka bërë të qartë se nuk do të lejojë mbledhjen e asnjë institucioni që bie ndesh me qëndrimet amerikane, pas shpalljes së Berishës ‘non grata’.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Tragjedia në Shkodër, a duhet gratë të denoncojnë çdo formë dhune?

Lajme të tjera



×

Lajmi i fundit

Scholz: Siguria dhe stabiliteti i Ballkanit Perëndimor nuk mund të merren si të mirëqena

Scholz: Siguria dhe stabiliteti i Ballkanit Perëndimor nuk mund të merren si të mirëqena

7 Maj, 23:04