'Foltorja' zhvendoset në Lezhë, Berisha cakton 11 dhjetorin si daten e mblidhjes se Kuvendit Kombëtar te PD... sulmon Kim: Kullot në livadhet e qeverisë, ka konflikt interesi

"Do të ishte ironi historike, por edhe tragjedi për këtë vend, jo vetëm për partinë, që partia të hajë bari për shkak të interesave personale të një njeriu", ishte kjo deklarata e ambasadores së Yuri Kim pas takimit me Lulzim Bashën, ku ia bëri të qartë që SHBA-ja nuk e donte Sali Berishën në parlament. Kësaj deklarate, Berisha i ktheu përgjigje nga "Foltorja" në Lezhë.

"Kur ju thashë nja 2 muaj më parë se zonja kur përmendi barin, u shpreha se; Zonja e nderuar kullot në livadhet e qeverisë. Pak kush e kuptoi këtë gjë. Tani që e shohim në majezën e qeverisë nëpër wikende e kanë të qartë se Sali Berisha kishte të drejtë. Unë askujt nuk i hyjë në jetën private. Por konflikti i interesit është konflikt interesi cilido qofsh. Objektiviteti dhe jo konflikti i interesit është rruga e duhur për të vlerësuar realitetin shqiptar.”, tha ai.

Ndonëse është shpallur 'Non Grata', Berisha, tha se ai do të ndërtojë më të mira me BE-në dhe SHBA-në.

"I them vajtorëve të mjerimit se Sali Berisha dhe kjo parti do vendosin marrëdhëniet më të mira me BE dhe SHBA. Peng kryetari dhe ndonjë zëdhënës mjeran I tij që na etiketon ne si takime anti-amerikane janë qesharakë”, tha Berisha.

Sali Berisha ka njoftuar qytetarët nga Lezha se më 11 dhejtor do të mbahet Kuvendi i PD-së, pikërisht në ditën e themelimit të Partisë Demokratike.

‘Më 11 dhjetor do të mbajmë Kuvendin Kombëtar të PD-së.’- tha Berisha nga Lezha.

Nga “Foltorja” në qytetin e Lezhës, Sali Berisha duket se nuk ndalet me gafat e tij. Gjatë fjalës së tij sot në përpjekje për të sulmuar qeverinë e Ramës dhe me mendjen te Lulzim Basha, teksa ka përmendur ministrat e Brendshëm në radhë të Ramës, përmend emrin e kreut të PD në vend të Fatmir Xhafajt.

“U largua Tahiri nga ministri e Brendshme dhe solli Bashën (e ngatërron me Xhafajn, vëllai i te cilit ishte i dënuar ne Itali për trafik droge”, deklaroi Berisha, duke mos u kujtuar ta korrigjojë.

Sali Berisha në fjalën e tij në Foltore i është rikthyer sulmeve për Saimir Tahirin, si të lidhur më trafikun e drogës në vend e ndërsa nuk la pa përmendur edhe ministrin aktual të Brendshëm, Bledi Çuçi, mirpo këtij të fundit mesa duket i paska harruar emrin.

"Vjen dhe na vë ministër të Brendshëm, më falni për shprehjen "skuthin e familjes" Ruçin, Uçin,,Ruçin si e ka", tha berisha, i cili duket se është i lodhur nga 'Foltorja'.