Berisha ‘non grata’ edhe nga Bashkimi Evropian? Balla: Besoj se do të ndodhë shumë shpejt

 

Kryetari i Grupit Parlamentar të Partisë Socialiste, Taulant Balla, është i bindur se shumë shpejt edhe Bashkimi Evropian dhe vendet anëtare do t’i bashkëngjiten SHBA-ve dhe Britanisë së Madhe në dënimin e personave të korruptuar dhe që minojnë demokracinë në Ballkanin Perëndimor.

“Për çështje të karakterit të luftës kundër korrupsionit, minimimit të demokracisë, SHBA, Britania e Madhe dhe BE janë gjithmonë të koordinuara mes tyre. Ka një iniciativë në Parlamentin Evropian, ku kërkohet që personat të cilët janë shpallur ‘non grata’ nga Shtetet e Bashkuara të Amerikës apo të përfshirë në instrumentet e tjerë për të identifikuar këdo që punon në dëm të interesit të Ballkanit Perëndimor. Në vlerësimin tim edhe dënimi nga BE nuk do të vonojë, ky është vlerësimi im. Është logjike që kjo të ndodhë dhe besoj se do të ndodhë”, tha Balla, në prononcimin për mediat.

LEXO EDHE:
Ministri Balla: Armëmbajtja pa leje po goditet çdo ditë

Lajmi kryesor:

‘Paketa e despiunizimit’, PS: Brenda 10 ditësh dorëzojmë ndryshimet në ligjin për Partitë Politike si dhe në Kodin Zgjedhor! Jo më spiunë në politikë

K.T./KT/Shqiptarja.com

TAG:
• paketa e despiunizimit
• taulant balla
• PS