Vetëm pak ditë para ditës së zgjedhjeve vendore, Sali Berisha publikoi gjatë një emisioni televiziv një foto ku pretendonte se ishte Erion Veliaj i cili kishte shkuar në Iran i maskuar e me paruke. Shpejt u zbulua se ky ishte një mashtrim.

Në një intervistë për Report Tv, Veliaj zbuloi se personi që kishte publikuar Berisha në foto ishte Joe Walsh, një kitarist i njohur amerikan. Veliaj tha se fotoja e kitaristit të njohur, e publikuar nga Berisha, është shkrepur tre vite para se të lindte ai dhe nga kërkimet e thjeshta në internet rezulton se imazhi është realizuar në Londër, jo në Iran.

Pavarësisht këtyre, Berisha nuk heq dorë nga mashtrimet në Facebook. Së fundmi ka publikuar sloganin e një partie shqiptaro-fobe në Slloveni dhe pretendon se përdorin imazhin e Ramës.

“Kur bëhesh dele e zezë për maskaradë elektorale dhe të gtjerët të përdorin si gogol elektoral”, shkroi Berisha.

Në fakt, slogani është përdorur në vitin 2019 nga partia shqiptaro-fobe në Slloveni dhe nuk ka asnjë lidhje me zgjedhjet aktuale.

Slogani i thotë sllovenëve: “Të mendojmë vetëm për Slloveninë, s’kemi pse ta kemi mendjen te shqiptarët”. Edhe këtë, Sali Berisha e lidh me Edi Ramën, të cilin e përmend në çdo dalje publike si personin që ka gisht në disfatën e tij në zgjedhjet e 14 majit.

1684761838_berisha.jpg