Berisha paralajmëroi sërish protestë, Basha: Jemi këtu për t'ua ndërprerë vallen atij dhe oligarkëve që e mbështesin

Kreu i PD-së Luzlim Basha tha nga selia e PD-së se ai është garancia e ndryshimit dhe se me ndihmën e qindra demokratëve apo dhe të qytetarëve shqiptare, do t'ja ndërprerë vallen Berishës dhe oligarkëve.

“Në javët e ardhshme oligarkët që financojnë mediat, aleatët politikë të trekëndëshit të Bermudës, do investojnë shumë para që të zhvendosin debatin në çështje dytësore ose të parëndësishme për shqiptarët, përpjekja jonë për ta mbajtur vëmendjen ku duhet, tek domosdoshmëria për rrugën e ndryshimit. Për t’i dhënë shqiptarëve një Kushtetutë që nuk i mban ata skllevër, por iu jep fuqinë që kanë qytetarët në një vend normal. Për hetimin dhe vënien para përgjegjësisë të korrupsionit të qeverisë më të korruptuar në planet, të njeriu që është në krah të Sali Berishës. Ne jemi këtu për tua ndërprerë këtë valle dhe që të bëjmë këtë duhet që me çdo fjalë tonën të themi jo vetëm jemi ndryshe, por jemi ndryshe dhe garancia për ndryshim. Unë do të jap kontributin tim në bazë të përgjegjësive që më kanë dhënë demokratët, do kem ndihmën e qindra demokratëve me apo pa teserë, por edhe të qytetarëve shqiptarë që e kanë kuptuar sa të lidhur janë tre anët e trekëndëshit të Bermudës”, deklaroi Basha.

Lajmi kryesor:

Basha nga selia e rrënuar: Për fat nuk pati gjakderdhje siç deshi Sali Berisha, u eksitua nga dhuna! PD do të ringrihet nga këto rrënoja për ta çuar betejën e ndryshimit deri në fund

M.Q./AV/Shqiptarja.com

TAG:
• lulzim basha
• PD
• sali berisha
• perplasja berisha basha
• 8 janari i berishes