POP 5

Lajmet më të lexuara të 5 minutave të fundit

Politikë

Berisha përulet para Greqisë: Kthejmë marrëveshjen e detit! E firmosi vetë në 2009, por Kushtetuesja e rrëzoi

Sali Berisha përforcoi nga Tirana qëndrimin e tij për t’u ri-ulur në tryezë me palën greke për marrëveshjen e detit, pavarësisht se Gjykata Kushtetuese e ka rrëzuar marrëveshjen që ai bëri kur ishte në qeveri. Në Athinë dje, Berisha u shfaq i gjunjëzuar para Greqisë dhe premtimet për biznese, vijë detare, më shumë sesa për emigrantët, ishin mesazhe për lëmoshë e mbështetje ndaj Athinës zyrtare.

Qëndrimin e tij nga Athina ku, në krah të Fredi Belerit mbrojti sërish marrëveshjen që vetë firmosi në vitin 2009 për ndarjen e detit me Greqinë që Kushtetuesja ia rrëzoi se cenonte territorin e vendit, Sali Berisha e përforcoi edhe me kthimin në Shqipëri.

Duke vijuar diskursin politik si përulës ndaj Athinës zyrtare, nga selia e PD ai tha se marrëveshja e tij e detit me Greqinë u rrëzua nga Gjykata Kushtetuese me ndërhyrje të Ramës, ndërsa shtoi se nëse do të vijë në pushtet, do bëjë sërish një marrëveshje të tillë.

“Dhe kur Gjykata Kushtetuese e rrëzoi në mënyrë absolute nga ndërhyrja antishqiptare e Edi Ramës dhe të tjerëve, ramë dakord me palën greke që ta çojmë në Gjykatën e Hagës meqenëse vendimet e gjykatave ndërkombëtare mbizotërojnë mbi vendimet e gjykatave shqiptare. unë kam të drejtë morale dhe ligjore që të ulem në tryezë me palën greke dhe të bëjmë zgjidhjen më të mirë të mundshme për të dy vendet. Sepse pala greke e ka shumë të qartë se unë isha për zgjidhjen dhe moszgjidhjen", tha Berisha. 

Sali Berisha u shfaq një ditë më parë në takimin e Athinës në krah të Fredi Belerit, i akuzuar për masakrën e Peshkëpisë ku nacionalistët grekë vranë ushtarët shqiptarë. Në retorikën e tij, kreu i opozitës shqiptare u shfaq me premtimet për biznese, vijë detare, që më shumë sesa për emigrantët, ishin mesazhe për lëmoshë e mbështetje ndaj Athinës zyrtare, duke takimin me himnin grek, përshëndetjen në greqisht para shqiptarëve, tek përulja përpara popullit grek, të premtimi i rivendosjes së marrëveshjes me Detin, të rrëzuar nga Gjykata Kushtetuese shqiptare. Në takimin me emigrantët e Athinës Berisha nuk tha asnjë fjalë për Ligjin e luftës apo çështjen çame.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ani: 25/02/2025 13:37

    ate e ka hedhur poshte gjykata o shtrigan i borbardhes ti svjen kurre me ne pushtet ti dhe gjith sahanlepiresit tu

    Përgjigju
  • populli: 25/02/2025 05:22

    JO po votoheni kete tradhetarin kete pleren e kombit qe ulet ne karrige me vrasesit e Peshkepis poshte tradhetaret

    Përgjigju
  • Bujari: 24/02/2025 17:26

    Tradhetar ngele gjithe jeten vetem per te shpetuar femijet dhe pasurin

    Përgjigju
  • Sondazhi i ditës: 28 Mars, 18:47

    Fileto pule me salmonelë, sa të sigurta janë produktet që konsumojmë?

Lajme të tjera



×

Lajmi i fundit

Shëndeti oral, 430 mijë depistime në shkollat e Lezhës, problem mungesa e ndërgjegjësimit për të kryer kontrolle

Shëndeti oral, 430 mijë depistime në shkollat e Lezhës, problem mungesa e ndërgjegjësimit për të kryer kontrolle

28 Mars, 18:53 nga Elvis Hila