POP 5

Lajmet më të lexuara të 5 minutave të fundit

Arkiva

Berisha: Rama kandidoi në
Vlorë sepse humbi Tiranën

Në një takim me strukturat e PD-së pasditen e së martës, kreu i qeverisë, ndërsa ka shprehur pikat kyçe të kësaj fushate, me në qendër siç theksoi ai, interesin e qytetarit, tha se kandidimi i Ramës në Vlorë do të thotë se kundërshtari i tij politik, e ka humbur Tiranën.
TIRANE - Fushata elektorale e PD-së po fokusohet së tepërmi në Tiranë dhe kjo sipas kryeministrit Berisha, do të sjellë fitoren e mandatit të 18 të kësaj force politike në kryeqytet. Në mbledhjen me strukturat e PD-së pasditen e së martës, kreu i qeverisë, ndërsa ka shprehur pikat kyçe të kësaj fushate, me në qendër siç theksoi ai, interesin e qytetarit, tha se kandidimi i Ramës në Vlorë do të thotë se kundërshtari i tij politik, e ka humbur Tiranën.
 
“Tirana po e udhëheq me një entuziazëm të madh fushatën e Shqipërisë. Tejkalimi i mandatit 18 duhet të jetë objektivi ynë i palëkundur. Mos e merrni të thjeshtë këtë punë, se kjo ishte më e rëndë se e para. Largimi i tij nga Tirana është dorëzim i betejës, pa hyrë në betejë”,-tha Berisha.
 
Sakaq, kryeministri nuk ka lënë ironinë sa i përket të ashtuquajturit autobos të Rilindjes, i vetmi vend ku Rama, sipas kreut të qeverisë, po kryen fushatën.
 
“Nuk ka fushatë faktikisht, fushatën ia mori autobusi atij”,-theksoi ai.
 
Në fund të mbledhjes, kryeministri ka përsëritur thirrjen ndaj socialistëve për propozimin e emrave të rinj në KQZ, për t’u votuar në seancën e jashtëzakonshme parlamentare të së enjtes, e cila ka në rend 3 ligjet e ashtuquajtura të integrimit dhe aministinë fiskale.

“I bëj thirrje që ditën e enjte të konsierojë në mënyrë më serioze, të sjellë kandidaturat, ne jemi të gatshëm t’i votojmë, siç t’i sjellin. 3 kanë dhënë dorëheqjen, ne jemi të gatshëm të pranojmë 3 anëtarët e KQZ-së, që do të propozojë zoti Rama. E entja është një ditë shumë e rëndësishme, pavarësisht se efekti mbi statusin këtë vit, është zero”,-u shpreh kryeministri.
 
Mbledhja me strukturat e PD-së u bë pas takimit që Berisha pati me zv.ndihmëssekretarin amerikan të Shtetit, Jonathan Moore.
 
 Redaksia Online
(b.y/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03