TIRANË- Ish-kryeministri Sali Berisha u mor sot zyrtarisht i pandehur për aferën ‘Partizani’. I mbetur me vetëm një grusht militantësh, Berisha i mobilizoi ata në një protestë para Prokurorisë së Posaçme, pikërisht në orën 12:00 kur mbërriti edhe ai vetë për t'u njohur me akuzën. Por, ndërsa Berisha u largua, militantët i mori me vete. Edhe ata pak që u mblodhën para SPAK, braktisën dhëndrin Jamarbër Malltezi, i cili u paraqit në Prokurorinë e Posaçme në orën 14:00.
Report Tv sjell pamjet me dron, ku dallohen vetëm një grusht militantësh në mbështetje të ish-kryeministrit, i cili i ‘mobilizoi’ për t’i treguar SPAK ‘forcën e tij’, por në fakt edhe militantët që dalin krah tij tashmë janë gjithnjë e më të paktë në numër dhe larg pritshmërive të PD-së.
Mbledhja e militantëve para institucionit të lartë të drejtësisë është një rast i paprecedent, që tregon edhe frikën e Berishës për t’u përballur me drejtësinë duke i thirrur ata në protestë për të ushtruar presion. Shumë zyrtarë të lartë kanë përfunduar në dyert e SPAK, por në ndryshim nga ish-kryeministri, ata kanë zgjedhur të përballen të vetëm me drejtësinë.
Në protestë nuk kishte si të mungonin grupi i deputetëve besnikë, si Flamur Noka, Oerd Bylykbashi, Edi Paloka, Albana Vokshi, apo edhe Luan Baçi, të cilin në fakt Berisha e largoi nga lista e drejtuesve politikë për zgjedhjet e 2025. Në tubim po ashtu u pa edhe Belind Këlliçi apo zëdhënësi Alfred Lela.
Por, surpriza padyshim ishte Gazment Bardhi me deputetët e tij, të cilët ia bashkuan kësaj proteste kundër SPAK. Bardhi më parë nuk i është bashkuar akuzave të Berishës për drejtësinë e re, por sot u pa krah militantëve të tij.
Mbërritja e Berishës në SPAK u shoqërua me thirrjet e militantëve, ndërsa vetë ish-kryeministri lëshoi akuza ndaj prokurorëve të posaçëm duke i quajtur mercenarë të Edi Ramës.
Elda Hoti
Gazment Bardhi
Dhurata Çupi
Xhelal Mziu
Bledjon Nallbati
Flamur Noka
Edi Paloka
Oerd Bylykbashi
Albana Vokshi
Tomorr Alizoti
Zëdhënësi Alfred Lela
Belind Këlliçi
Dorian Teliti
Militantët braktisën Jamarbër Malltezin I cili u paraqit në orën 14:00 në SPAK. Ata u larguan me Berishën sapo ky I fundit doli nga SPAK ku dhe iu komunikua akuza.
Foto: Belind Këlliçi para SPAK, 11 shtator 2024
Belind Këlliçi, drejtues politik i PD për Tiranën, është përballur me një tjetër dështim të dukshëm në përpjekjet e tij për të mobilizuar mbështetësit e PD-së në mbrojtje të Sali Berishës para SPAK. Edhe pse Këlliçi dhe Flamur Noka bënë thirrje për mobilizim masiv, numri i pjesëmarrësve në protestë është më i ulët dhe larg pritshmërive të PD-së.
Në deklaratat publike të tij, Këlliçi pretendoi se në protestë ishin mbledhur përfaqësues të Partisë Demokratike të Tiranës, duke u përpjekur të portretizojë ngjarjen si një sukses të radhës në përpjekjen për të mbrojtur liderin historik të PD-së, Sali Berisha. Por realiteti në terren ishte krejt ndryshe. Pamjet e publikuara dhe numrat flasin për një pjesëmarrje të ulët dhe mungesë të një mase të gjerë mbështetësish, duke e bërë të qartë se mobilizimi ishte një dështim.
Ky nuk është rasti i parë kur Belind Këlliçi dështoi në përpjekjet për të galvanizuar bazën e PD-së në Tiranë. Pas një serie përpjekjesh për të ngritur në protestë qytetarët e Tiranës dhe për të kundërshtuar veprimet e drejtësisë ndaj Berishës, dështimi i fundit thekson edhe një herë dështimet në seri të Belind Këlliçit dhe të PD-së. Me çdo dështim të tillë, pozita e tij si drejtues politik i qarkut të Tiranës vihet në pikëpyetje, dhe sfidat për të ringjallur një PD të përçarë dhe të demoralizuar bëhen edhe më të mëdha.
Gazment Bardhi dhe grupi i deputetëve të tij i janë bashkuar protestës kundër SPAK, që u organizua për t’i ushtruar presion drejtësisë ndërsa ish-kryeministri u mor i pandehur për aferën Partizani.
Lajme të tjera
-
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58 -
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Protesta e PD-së, Martin Leka në Report Tv: Po kthehet në rutinë, Berisha nuk ka njerëz! Përdor propagandë për të karikuar simpatizantët! Më shumë kishte policë
24 Dhjetor, 13:56 -
Televizioni i Berishës si 'Zëri i Popullit' me Enver Hoxhën, i mat kilometrat kreut të PD-së: ''Berisha shfaqet super energjik''
24 Dhjetor, 13:37 -
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
I kallëzuar për 'shpërdorim detyre', shkarkoi drejtorin e UKSH në 2022! Ish-kryebashkiaku i PD në Shkodër, Bardh Spahia 1 orë në SPAK: S'ka lidhje me krimin, as korrupsionin (VIDEO)
24 Dhjetor, 09:54 -
Mero Baze: Një hakmarrje ndaj qytetarëve që e kanë braktisur
24 Dhjetor, 07:02
