POP 5

Lajmet më të lexuara të 5 minutave të fundit

Arkiva

Berisha-vëzhguesve të KiE:Anëtarët e
dorëhequr nga KQZ mund të kthehen

Kryeministri Berisha është takuar pasditen e sotme me delegacionin e Vëzhguesve të Asamblesë Parlamentare të Këshillit të Europës, në Tiranë. Në takim u theksua rëndësia e mirëfunksionimit të KQZ dhe mbarëvajtja e procesit zgjedhor.
TIRANE- Kryeministri Berisha është takuar pasditen e sotme me delegacionin e Vëzhguesve të Asamblesë Parlamentare të Këshillit të Europës, në Tiranë. Në takim u theksua rëndësia e mirëfunksionimit të Komisionit Qendror të Zgjedhjeve dhe mbarëvajtja e procesit zgjedhor.

Kreu i qeverisë, ka siguruar delegacionin e Asamblesë Parlamentare të Këshillit të Europës, se, “në kushtet kur Kuvendi nuk ka marrë ende vendim për të pranuar dorëheqjet dhe shpallur vakancat e tri vendeve të opozitës në KQZ, anëtarët e dorëhequr mund të rikthehen në detyrë menjëherë për të ushtruar funksionet e tyre në përputhje të plotë më Kushtetutën dhe kuadrin ligjor që rregullon zgjedhjet në Shqipëri, i cili është miratuar me konsensus të plotë duke implementuar të gjitha rekomandimet e OSBE/ODIHR dhe i bazuar tërësisht në sugjerimet e opozitës shqiptare”.

Ndërkaq, si alternativë, Kryeministri theksoi se “mazhoranca është e gatshme që, nëse opozita dërgon kandidatura të reja në Kuvend, t'i votojë ato në seancën e jashtëzakonshme”.

Gjatë takimit theksi u vu edhe tek rëndësia e pranimit të rezultatit të zgjedhjeve të 23 qershorit nga të gjitha palët, për të mos përsëritur situatën e vitit 2009.
Berisha tha se “qeveria shqiptare do të bëj çdo gjë në dorën e saj për të garantuar një proces zgjedhor në përputhje të plotë me standardet ndërkombëtare të zgjedhjeve të lira dhe të ndershme”.

Ndërkaq, parlamentarët e Këshillit të Europës vlerësuan “atmosferën e qetë politike dhe të civilizuar në të cilën po zhvillohet fushata elektorale, ku partitë politike po shpalosin pikëpamjet e tyre dhe aspektet e programit të tyre në shërbim të qytetarëve për mandatin e ardhshëm qeverisës, dhe nivelit të lartë të transparencës mediatike të përgjithshme në të cilat po zhvillohet kjo garë elektorale”.

Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03