Duke shënjestruar direkt Edi Ramën, Berisha tha jashtë dyerve të Kuvendit se ai është në krye të Meduzës së krimit të organizuar.
"Po del e qartë çdo ditë si drita e diellit se Shqipëria është në darën e tmerrshme, në sundimin e plotë të drogës, qeveritarëve të krimit. Në këtë kontekst, dua t’iu them se ajo që shpërtheu në Elbasan dy herë mos tre më agresive është në Shkodër, qytet nga i cili po ikin biznesmenët, po i dorëzojnë krimit bizneset, sepse serial-killerat dhe trafikantët në Shkodër bëjnë ligjin në çdo sekond. Vlorën e patë vetë në ç’katandisje është. Pra, Shqipëria ka një krye të Meduzës së krimit të organizuar dhe kreu i Meduzës është Edi Rama dhe çdo deklaratë që i devijon kësaj nuk e ndihmon luftën ndaj krimit, por i jep strehë atij që është koka e Meduzës. Për mua kumbara i Shqipërisë është Edi Rama, sepse kur iu kërkua të mos vendosë Artur Bushin, e vendosi. Është Rama që iu tha shqiptarëve se burrë më të ndershëm se Elvis Rroshi nuk ka", tha Berisha.