Bernard Tapie ishte një superpersonazh në Francën e viteve ’80, një djalë punëtori dhe kujdestareje të moshuarish, që u bë një nga 400 njerëzit më të pasur në botë. Njeriu që bëri të qajë Berluskonin kur e tija Olimpik Marsejë mundi Milanin në vitet ’90. Netflix i ka kushtuar një serial që (siç ndodh në këto raste) nuk ka pëlqimin e familjarëve.
Bernard Tapie ishte aktor, prezantues televiziv, sipërmarrës, këngëtar, ministër nën presidencën e Mitarrand. Tek ai, në formën e grimcave mikroskopike secili prej nesh në Shqipëri, mund të shohë ambicjet dhe format e një biznesmeni shqiptar, e një politikani të Shqipërisë, të një shoumeni të televizioneve tona dhe sidomos, të guximit në shpërfilljen e ligjit në momentin që të gjitha këto në një njeri krijojnë ndjenjën e paprekshmërisë.
Një nga pjesët më interesante të serialit është pikërisht përballja me një prokuror të Republikës Franceze, të cilit nuk i bëri fare përshtypje as pesha e milionave të Bernard Tapie, as vetëbindja e tij se askush nuk mund të guxonte ta mposhtte. Në fakt, sipas dëshmive të fëmijëve, pseudonimi që i pëlqente më shumë ishte Feniks, pasi e tillë kishte qenë jeta e tij: ringritje pas çdo rrëzimi apo falimentimi.
Të vetmen herë që Bernard Tapie, në kulmin e karrierës së tij, përfundoi në burg, ishte për korrupsion, manipulim dëshmitarësh dhe blerje ndeshje Valencienne-Olimpik M. Gjashtë muaj pas hekurave për njeriun që realizoi të vetmen fitore europiane për një ekip futbolli francez, të sjellin në mendje se si vende si SHBA, Franca, Italia, Britania e Madhe, Gjermania e kanë ngritur demokracinë e tyre duke çliruar, në radhë të parë, nga komplekse inferioriteti përballë kujtdo, njerëzit e drejtësisë. Nëse kudo mund të shohësh një Bernard Tapie, në pak vende të botës, ka prokurorë që nuk do të trembeshin prej tij.
Lajme të tjera
-
Panik në Paris, zjarr në ashensorin e Kullës Eifel, evakuohen 1200 veta
24 Dhjetor, 12:59 -
Francë/ Formohet qeveria Bayrou, mes ministrave ish-kryeministrat Valls dhe Borne
23 Dhjetor, 19:21 -
Kryeministri François Bayrou pritet të emërojë qeverinë e re të Francës
23 Dhjetor, 11:39 -
Ilir Yzeiri: Topikat e trishta të hapësirës publike
20 Dhjetor, 13:28
-
Kryeministri i ri francez: Nëse nuk kemi një qeveri deri në Krishtlindje, do të jemi në greminë
20 Dhjetor, 12:04 -
Francë/ Ish-presidenti Sarkozi dënohet për korrupsion, në 'arrest shtëpie' me një byzylyk elektronik
18 Dhjetor, 16:46 -
Kryeministri francez Francois Bayrou nis punën mes një sërë sfidash
16 Dhjetor, 21:44 -
Cikloni apokaliptik Chido në Mayotte, viktimat mund të jenë me mijëra, 1,7 mln njerëz në rrezik
16 Dhjetor, 10:38 -
Cikloni Chido shkakton katastrofë në Francë, autoritetet: Qindra, ndoshta mijëra viktima!
15 Dhjetor, 21:44 -
Të shtëna me armë pranë një kampi emigrantësh në Francën veriore, 5 të vdekur, mes tyre 2 roje sigurie! Dorëzohet autori
14 Dhjetor, 20:07 -
Francë/ Dënohet grupi i drogës, u zbuluan nga ‘Sky ECC’, lidhje me Shqipërinë dhe roli i ‘Eduardit’
14 Dhjetor, 16:58 -
Milioneri 95-vjeçar ia lë të gjithë pasurinë qytetit të tij të lindjes në Francë, por me disa kushte
12 Dhjetor, 17:25
