TIRANË- Të dhënat pesimiste për ecurinë ekonomike të Shqipërisë vijojnë. Së fundmi Banka Evropiane për Rindërtim dhe Zhvillim në raportin e “Perspektivës Ekonomike Globale në rajonet e BERZH” mban të pandryshuar nivelin e recesionit i cili pritet të përfshij vendit. Sipas BERZH ekonomia do të tkurret me 9% shifër e njëjtë e dhënë në fillim të pandemisë. Ndërkohë ka rishikuar në një ulje prej më shumë se 7.5% pritshmërinë për rritjen ekonomike në vitin 2021.
BERZH pati deklaruar që ekonomia do të rritej me 12% në vitin 2021, ndërsa në raportin e fundit thotë se rritja ekonomike do të jetë jo më shumë se 4.5% në vitin e ardhshëm.
Në raport është theksuar edhe një herë ndikimin negativ që po jep varësia në turizëm në këtë drejtim. Nga ana tjetër mesa duket edhe procesi i rindërtimit nuk do të sjellë një frymëmarrje shumë të madhe për ekonominë e goditur nga koronavirus.
Nga vendet Ballkanit Perëndimor, Shqipëria dhe Mali i Zi pritet që të kenë rënin më të madhe ekonomike si rrjedhojë e goditjes së Covid-19. Ndërkohë një ditë më parë ishte INSTAT që tregoi se rënia ekonomike në tremujorin e dytë ishte 10.2%.
(Kliko këtu) Raporti i plotë i BERZH
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)