Besa në konflikt interesi…!

Në faqen zyrtare të internetit prej pak ditësh Besa Kokëdhima ka publikuar një lajm ku thotë se është duke regjistruar një reklamë, e cila do të shërbejë si imazh për kompaninë e internetit Abissnet. Këngëtarja ndihet shumë e entuziazmuar për këtë risi (dhe ka shumë të drejtë), madje ka deklaruar se imazhi do të jetë gati të shfaqet gjatë festave të dhjetorit. Por në fakt ajo që është e habitshme, mbetet fakti se për ata që ende nuk e dinë, se kompania Abissnet është nën pronësi të të atit, bisnesmenit Koço Kokëdhima. E pra, ashtu siç edhe është komentuar në internet e gjithë kjo është konflikt interesi, pasi në këtë mënyrë artistja po ndihmon bizneset e familjes së saj të shesin nën emrin e një këngëtare mjaft popullore.