Besimtarët ortodoksë në të gjithë botën gati për të festuar Pashkët ortodokse, fillojnë përgatitjet për ceremoninë e Zjarrit të Shenjtë

Të krishterët ortodoksë në të gjithë botën do të festojnë këtë fundjavë Pashkët dhe ringjalljen e Krishtit.

Me ceremonitë e para në Jeruzalem ku ruajtësi i çelësit në Kishën e Varrit të Shenjtë në Jeruzalem mbërriti të shtunën në mëngjes për të zhbllokuar dyert përpara ceremonisë së Zjarrit të Shenjtë, një ngjarje vjetore në të cilën ka pasur më shumë besimtarë sesa vitin e shkuar pasi masat kufizuese janë lehtësuar.

Ceremonia e Zjarrit të Shenjtë që simbolizon ringjalljen e Jezusit është një nga eventet më specifike gjatë Pashkëve, me mijëra pjesëmarrës në Varrin e Shenjtë ku besohet se ndodhet varri ku u vendos Jezusi dy mijë vjet më parë.

Rrezet e diellit që depërtojnë përmes një xhami në kupolën e kishës besohet nga adhuruesit se ndez një flakë brenda kriptës, një akt misterioz i konsideruar si një mrekulli e së Shtunës së Shenjtë. Patriarku Ortodoks Grek i Jeruzalemit pastaj ndez një qiri me Zjarrin e Shenjtë dhe ua shpërndan besimtarëve.

Në Jeruzalem këtë vit ceremonia është vënë në hije, nga tragjedia e një ditë më parë ku humbën jetën 45 besimtarë gjatë një festivali.

Para mbajtjes së meshës, edhe besimtarët ortodoksë agjërojnë.  Të krishterët ortodoksë grekë përdorin si ushqim tradicional mish qengji dhe Tsoureki Paschalino, një bukë e ëmbël e Pashkëve.  Familjet Ortodokse Serbe tradicionalisht shijojnë meze të mishit të tymosur dhe djathrave, vezë të ziera dhe verë të kuqe, supë me perime  dhe mish qengji, e ndjekur nga qengji i pjekur. E Shtuna e Madhe është një ditë agjërimi i rreptë për të krishterët Ortodoksë Rusë, ndërsa familjet përgatisin vaktin e Pashkëve.

 

//Shqiptarja.com

TAG:
• Jeruzalem
• pashket
• pashket ortodokse