POP 5

Lajmet më të lexuara të 5 minutave të fundit

Politikë

Lajme nga emisionet

Besnik Mustafaj ‘zbërthen’ trinomin e tij në ‘Esencë’: 1/4 e jetës, në tavolinën e shkrimit! Pendesa më e madhe

Diplomat, politikan, shkrimtar, një trinom që e ka shoqëruar në rrugëtimin e tij profesional.

TIRANË- Diplomat, politikan, shkrimtar, një trinom që e ka shoqëruar në rrugëtimin e tij profesional.

Një pjesë e lidhin më shumë figurën e tij me politikën, e një pjesë me shkrimtarin. Mirëpo Besnik Mustafaj e nis bisedën me dëshirën që nuk ndryshon, për të qenë gjithnjë në kërkim të lexuesve. Kur i rikthehet fëmijërisë shkon drejt e te kujtimet që kanë shënuar jetën e tij, si fakti i të pasurit një nënë autoritare, por sensi dhe lidhja e saj me të bukurën, ka brumosur tek ai shumë gjëra gjatë rrugës.

Një eksperiencë e bukur ka qenë edhe fakti që ka qenë trombonist, i vetmi në vendlindjen e tij në Tropojë. Pasi u largua 14-vjeç  nga vendlindja, erdhi në Tiranë për të ndjekur studimet e mëtejshme, një kohë të cilën e kujton si ndikuese dhe formuese. Ai thekson se jetën studentore e shijoi në liri dhe e kujton si një kohë të vyer dhe të bukur.

Më pas erdhën eksperiencat e para si gazetar, për t’u bërë pjesë e një realiteti që do të ishte rruga e tij.

Mes fotosh dhe kujtimesh ai tregon kohën kur është bërë baba dhe se rritja e dy djemve të tij, ka qenë për të gjithnjë prioritet.

“I kam shmangur shumë herë drekat dhe darkat diplomatike ku duhet të isha pjesë, vetëm që të kaloja kohë me fëmijët e mi,të isha prezent në shtëpi”-shprehet ai.

Që prej 2007-ës jeton në Priskë dhe kjo jetesë larg rutinës urbane ka zhvilluar tek  ai një dëshirë dhe përkushtim për tokën, pemët dhe natyrën, një lidhje e fortë e krijuar me kohën.

Një video mesazh  emocionues erdhi për Besnikun nga i biri, Andi, i cili nga Parisi i shprehu edhe njëherë të atit, dashurinë dhe mirënjohjen për mënyrën sesi ai ka qenë një baba i përkushtuar dhe i ka ndikuar jetën në mënyrën më të bukur.

I emocionuar nga i biri ai rrëfen se komunikimi ka qenë gjithnjë mënyra e tij e prindërimit.

Ndërsa flet për të shoqen thotë: “Kam shkruar shumë poezi për të”.

Teksa flet për botimet e tij kujton se romani i tij “Vera Pa Kthim” është përshtatur për film dhe teatër.

“Unë punoj nëntë orë në ditë, kur vjen puna te të shkruarit. Nëse e llogaris, 1/4 e jetës sime e kam kaluar  në tavolinën e shkrimit”, tha ai.

Ai na rrëfen se e vetmja pendesë që ka është se do të kishte dashur t’i kushtonte më shumë kohë librit, sesa politikës.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Donald J. Trump: Një rrugëtim i pazakontë drejt presidencës

Donald J. Trump: Një rrugëtim i pazakontë drejt presidencës

2 Nëntor, 19:04