Deputetët e Kuvendit të Kosovës të enjten në Kuvend Marrëveshjen e Demarkacionit me Malin e Zi për miratimin e së cilës nevojiten së paku 80 vota të ligjvënësve.  Megjithatë, kalimi i kësaj marrëveshjeje do të varet nga deputetët e Listës Serbe, të cilët ende nuk janë deklaruar zyrtarisht nëse do të votojnë pro apo kundër Demarkacionit.

Kryeministri Ramush Haradinaj ka deklaruar se seanca do të mbahet të enjten, por nuk ka dashur të komentojë nëse ka arritur t’i sigurojë edhe votat e deputetëve serbë, shkruan Zeri. Në anën tjetër, deputetët e lëvizjes “Vetëvendosje” janë shprehur se nuk e votojnë një marrëveshje të tillë për dallim nga partia tjetër opozitare LDK, e cila ka premtuar se do ta votojë Demarkacionin.

Pasi Qeveria miratoi plotësim-ndryshimin e Ligjit për Demarkacionin kryeministri Ramush Haradinaj është shprehur i bindur se Marrëveshja e Demarkacionit është në përfundim të finalizimit.

d.b/shqiptarja.com