Ramush Haradinaj dha dorëheqjen ditën e djeshme nga posti i kryeministrit me arsyetimin se është thirrur nga Gjykata Speciale në Hagë për të dëshmuar sërish lidhur me aktivitetin e tij gjatë Luftës së Kosovës. Për 'Rambon' ashtu siç quhej gjatë luftës në Kosovë kjo do të jetë beteja e tretë me Hagën dhe si duket ashtu si në rastin e parë ai ka zgjedhur të përballet përsëri si një qytetar i thjeshtë dhe jo si kryeministër.
Herën e parë kur u zgjodh si kryeministër i Kosovës në 2004, Haradinaj qëndroi vetëm 100 ditë në zyrën e qeverisë dhe u thirr në 2005 nga Tribunali Ndërkombëtar Penal për ish-Jugosllavinë me seli në Hagë. Haradinaj, në atë kohë, u akuzua për krime kundër njerëzimit dhe shkelje të ligjeve ose zakoneve të luftës. Megjithatë për shkak të mungesës së provave bindëse, 'Rambo' u lirua në prill të 2008-ës.
Beteja e dytë ishte në vitin 2011 dhe më 18 gusht të atij viti ai del para gjykatës dhe në këtë rast trupi i akuzës pyeti 56 dëshmitarë kundër Haradinajt. Vendimi përfundimtar u morr një vit më vonë në 29 nëntor 2012 i cili e shpalli atë të pafajshëm. Këtë here, gjyqtarët, jo vetëm që e liruan nga akuzat, por theksuan se provat e siguruara dëshmojnë se ai u përpoq të parandalonte sjelljen kriminale.
Por jo vetëm kaq pasi Haradinaj ka patur edhe ndalesa të tjera për shkak të një urdhër-arresti ndërkombëtar të lëshuar nga Serbia. Në qershor të 2015-ës, u ndalua në Slloveni dhe u mbajt dy ditë në burg. Megjithatë pas presioneve ndërkombëtare ai u la i lirë. Një tjetër rast është edhe ai i janarit të 2017-ës ku Haradinaj u arrestua nga policia franceze. Në atë kohë Serbia këmbëngul fuqishëm për të ekstraduar Haradinajn në Serbi megjithatë tentativa e Serbisë dështoi. E mesa duket për Haradinajn duket se asgjë nuk ka mbaruar.
Lajme të tjera
-
VIDEO/ Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve
25 Dhjetor, 16:02 -
Serbia i refuzon ministrit të Brendshëm të Kosovës kërkesën për vizitë në Luginën e Preshevës
25 Dhjetor, 13:52 -
Osmani: Lista Serbe është angazhuar në akte terroriste dhe akte agresioni
24 Dhjetor, 19:57 -
Kosovë, Lista Serbe paralajmëron se do të ankimojë vendimin e KQZ-së
24 Dhjetor, 18:01 -
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Gucati përfundon dënimin në Hagë: Qëndrova ballëlartë dhe krenar
24 Dhjetor, 16:51 -
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Kosovë/ 100 eurot për fëmijë dhe pensionistë, fushatë zgjedhore apo ndihmesë?
23 Dhjetor, 18:47 -
Kosovë/ Kurti lë jashtë zgjedhjeve Listën Serbe, anëtarët e Vetëvendosjes votojnë kundër, KQZ nuk certifikon pjesëmarrjen
23 Dhjetor, 15:47
