Një nga betejat më të forta për kontrollin e Kongresit amerikan po zhvillohet vetëm pak kilometra larg Nju Jorkut, ku republikanët rrezikojnë të humbasin një vend të rëndësishëm në Dhomën e Përfaqësuesve. Bëhet fjalë për distriktin e 17-të, ku në zgjedhjet presidenciale të vitit 2024 fitoi demokratja Kamala Harris.

Sipas CNN, deputeti republikan Mike Lawler, i zgjedhur në vitin 2022, po përballet me demokraten Cait Conley, ish-zyrtare e administratës Biden dhe veterane e ushtrisë amerikane.

Lawler ka kërkuar të fitojë mbështetje edhe përtej elektoratit republikan, duke u distancuar në disa raste nga Donald Trump dhe duke siguruar mbështetjen e disa politikanëve demokratë. Nga ana tjetër, Conley e ka përqendruar fushatën te përvoja e saj në sigurinë kombëtare dhe premtimet për uljen e kostos së jetesës.

Rëndësia e kësaj gare ka bërë që të shpenzohen mbi 40 milionë dollarë për reklama elektorale, ndërsa në fushatë janë angazhuar figura të njohura të të dyja partive.

Për banorët e zonës, shqetësimi kryesor mbetet ekonomia, veçanërisht rritja e çmimeve të karburanteve, ushqimeve dhe banesave.


Lajmi kryesor:

Zgjedhjet e mesmandatit në SHBA, republikanët dhe demokratët në garë për kontrollin e Kongresit! Trump: Nëse amerikanët lodhen prej meje shkoj kryeministër në Izrael