Biden dhe Zelensky do të takohen në samitin e NATO-s në Vilnius

Joe Biden ditën e sotme është në Lituani për një samit të liderëve të NATO-s, i cili do të zhvillojë edhe një takim me Presidentin e Ukrainës, Volodymyr Zelensky. Zyrtarët amerikanë kanë konfirmuar se ky takim do të ndodhë në ditën e dytë të mbledhjes në Vilnius.

Ky takim mes dy liderëve vjen pasi ditët e fundit Biden shprehu dyshimet e tij për qëllimin e shumëkëkrkuar të Ukrainës për t’u bashkuar në NATO.

"Unë nuk mendoj se ka unanimitet në NATO në lidhje me futjen apo jo të Ukrainës në familjen e NATO-s tani, në këtë moment, në mes të një lufte. Nëse lufta po vazhdon, atëherë të gjithë jemi në luftë. Ne jemi në luftë me Rusinë, nëse do të ishte kështu”, tha ai për CNN javën e kaluar.

Presidenti tha gjithashtu se Ukraina do të duhet të bëjë reforma në drejtim të "demokratizimit" përpara se të bashkohet me aleancën.

Presidentët Biden dhe Zelensky u takuan për herë të fundit në maj në një samit të G7 në Japoni.

Diskutimet e tyre ka të ngjarë të përqendrohen në ndihmën e SHBA për Ukrainën, si dhe në garancitë e sigurisë me pamje më të mëdha.

Lajmi kryesor:

Samiti i NATO-s në Lituani, shtyn anëtarësimin e Ukrainës: Kur të plotësohen kushtet! Zelensky: E paprecedent që nuk vendoset afat kohor për ftesën

S.S/Shqiptarja.com

TAG:
• Volodymyr Zelensky
• Joe Biden
• nato