"Sot i dërguam Putinit një mesazh të qartë: do t'i rezistojmë autokratëve dhe nuk do të lodhemi duke qëndruar përkrah Ukrainës për aq kohë sa të jetë e nevojshme". Volodymyr Zelensky ishte në podium në të djathtë të tij dhe e vëzhgoi me një vështrim mirënjohjeje, kur presidenti amerikan Joe Biden bëri këtë angazhim solemn në margjinat e samitit të G7 që u mbajt në Itali, pas nënshkrimit të marrëveshjes dypalëshe për sigurinë e Kievit. Udhëheqësi ukrainas u përgjigj kështu: « Ofensiva e Rusisë është një kërcënim për sigurinë globale. Nëse nuk arrijmë të rezistojmë, duke mbrojtur demokracinë, vendet e tjera do të jenë viktima”.
Biden dhe Zelensky nënshkruan më 13 qershor një marrëveshje sigurie 10-vjeçare, të cilën ata e përshëndetën si një moment historik në marrëdhëniet midis vendeve të tyre. Biden dhe Zelensky mbajtën një konferencë të përbashkët për shtyp në fermën pranë Fasanos, ku është vendosur kreu i Shtëpisë së Bardhë, pas nënshkrimit të Marrëveshjes Dypalëshe të Sigurisë të Ukrainës.
Presidenti amerikan pohoi «tre hapa të rëndësishëm të ndërmarrë këtu në G7 për t'iu përgjigjur Putinit: së pari, marrëveshja dypalëshe; së dyti, financimi prej 50 miliardë dollarësh nga asetet e ngrira ruse; së treti, sanksionet e reja të vendosura ndaj Rusisë, në mënyrë që ajo të mos mund të përdorë eksportet e saj për të blerë mjetet e nevojshme ushtarake për të vazhduar luftën”.
Biden përsëriti se ai nuk e ka ndryshuar qëndrimin e tij për përdorimin e armëve amerikane në territorin rus: «Përdorimi i tyre për të sulmuar bazat pranë kufirit të përdorura për të sulmuar Ukrainën ka kuptim”. Vendosmëria për të mbrojtur Kievin mbeti e patundur dhe në fund kreu i Shtëpisë së Bardhë arriti objektivat që kishte vendosur për këtë samit në Pulia.
Ai qortoi Kinën "sepse ajo ndihmon Rusinë të marrë mjetet ushtarake për të vazhduar luftën" dhe i premtoi Kievit edhe 5 sisteme të tjera të mbrojtjes ajrore Patriot. Zelensky e falënderoi atë, sepse "marrëveshja e nënshkruar ripohon se e ardhmja e vendit tonë qëndron në NATO".
La Repubblica shkruan se Marrëveshja Dypalëshe e Sigurisë e Ukrainës është një ‘hartë’ për ta çuar Kievin drejt anëtarësimit në Aleancën Atlantike, duke e përgatitur atë në nivel ushtarak, ekonomik dhe institucional, edhe nëse ftesa nuk do të vijë nga samiti i korrikut në Uashington. Dhe kohëzgjatja prej dhjetë vitesh shërben për të mbrojtur këtë marrëveshje nga ndryshimet e mundshme të administratës, sepse anulimi i saj do të kërkonte hapa të gjatë dhe kompleks.
Natyrisht, qëllimi i parë i menjëhershëm i marrëveshjes është t'i dërgojë një sinjal të qartë Putinit se nëse ai mendon se do ta fitojë luftën sepse Shtetet e Bashkuara dhe aleatët e tjerë do të lodhen duke mbështetur Ukrainën, ai po e llogarit gabim. Në fakt, palët premtojnë se do të ndihmojnë njëra-tjetrën gjatë konfliktit të vazhdueshëm, por edhe në rast agresioni në të ardhmen, me një mekanizëm që nuk është ende si neni 5 i NATO-s për detyrimin e mbrojtjes reciproke, por është shumë i ngjashëm me të.
Pastaj ka angazhime specifike për t'i siguruar Kievit aftësitë ushtarake që i nevojiten për të vazhduar mbrojtjen kundër pushtimit rus, nga mbrojtja ajrore te municionet, duke përfshirë mjetet dixhitale dhe trajnimin. Kjo është përveç një premtimi për t'i ofruar Zelensky të paktën 50 miliardë dollarë financim deri në fund të vitit, që vjen nga plani për të përdorur asetet e ngrira të Moskës në Perëndim për ta bërë atë të paguajë për dëmin që ka shkaktuar me agresionin e saj. Nëse shtojmë 61 miliardë të akorduara tashmë nga Kongresi për të vazhduar furnizimet ushtarake, është ndihma që duhet t'i japë garanci afatgjata Kievit, edhe nëse Trump kthehet në Shtëpinë e Bardhë.
Megjithatë, ka shumë më tepër në Marrëveshjen Dypalëshe të Sigurisë. Bardh e zi, thuhet se e ardhmja e Ukrainës qëndron në NATO. Bashkëpunimi ushtarak i ofruar, i cili përfshin edhe stërvitje, shërben pikërisht për përshtatjen e forcave të armatosura të Kievit me standardet e Aleancës Atlantike, në mënyrë që të hyjë pa probleme kur të jetë gati. Reformat institucionale i shërbejnë të njëjtit qëllim, ashtu si edhe ndihma ekonomike. Kohëzgjatja është dhjetë vjet, pra shumë përtej mandatit të dytë të mundshëm të Trump, por teksti thotë se do të duhet të rishikohet nëse Ukraina bashkohet më shpejt në NATO.
Lajme të tjera
-
Protestat kundër Izraelit dhe NATO-s në Montreal, kryeministri Trudeau dënon dhunën
23 Nëntor, 22:08 -
Poloni, fermerët bllokojnë kalimin kufitar me Ukrainën
23 Nëntor, 20:39 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
Lufta në Ukrainë/ Putin urdhëron prodhimin masiv dhe testim të raketës ‘Oreshnik’! Rutte takon Trump në Florida
23 Nëntor, 08:33 -
Zelensky: Po punojmë në zhvillimin e sistemeve të reja të mbrojtjes ajrore
22 Nëntor, 20:53 -
Putin paralajmëron se Rusia do të vazhdojë të testojë raketën e re balistike: Po na krijohen kërcënime!
22 Nëntor, 19:36 -
Parlamenti i Ukrainës pezullon punimet përballë kërcënimit të sigurisë nga Rusia
22 Nëntor, 18:00
