Presidenti amerikan, Joe Biden, ka sugjeruar se negocimi i një marrëveshjeje armëpushimi mes Izraelit dhe Hezbolloahut mund të jenë më i lehtë sesa ai mes Izraelit dhe Hamasit.
Hezbollahu është grup militant dhe parti politike që kontrollon shumicën e Libanit jugor. Sikurse dhe grupi palestinez, Hamas, ai është i shpallur organizatë terroriste nga SHBA-ja. Ndërkaq, Bashkimi Evropian e konsiderohen Hamasin organizatë terroriste, dhe eka në listën e zezë vetëm krahun politik të Hezbollahut, që ka ulëse në Parlamentin libanez.
Biden tha se gjatë takimit me udhëheqësit e Gjermanisë, Francës dhe Britanisë në Berlin ka diskutuar për mënyrat se si t’i jepet fundit konfliktit në Lindjen e Mesme, pasi një ditë më parë Izraeli vrau në Gazë udhëheqësin e Hamasit, Yahya Sinwar.
Pas takimit në Berlin me kryeministrin britanik, Keir Starmer, presidentin francez, Emmanuel Macron, dhe kancelarin gjerman, Olaf Scholz, Biden u tha gazetarëve se liderët “mendojnë se ka mundësi për të punuar për një marrëveshje armëpushimi në Liban, por një marrëveshje e tillë do të jetë më e vështirë për Gazën”.
Sinwar u vra më 17 tetor nga forcat izraelite në Gazë dhe Biden ka zhvilluar një bisedë telefonike sot me kryeministrin izraelit, Benjamin Netanyahu.
Udhëheqësi amerikan nuk tregoi nëse Netanyahu e ka siguruar se izraelitët janë të gatshëm të kthehen në tavolinën e negocimit për të tentuar që të arrihet një marrëveshje armëpushimi dhe marrëveshje për lirimin e pengjeve.
“Ne jemi duke diskutuar për këtë”, tha Biden.
Sinwar cilësohej si arkitekti i sulmit të 7 tetorit 2023 në jug të Izraleit që e nxiti luftën në Gazë mes Izraelit dhe Hamasit.
Gjatë sulmit të 7 tetorit të vitit të kaluar, Hamasi vrau afër 1.200 persona – shumica civilë – në jug të Izraelit dhe rrëmbeu afër 250 të tjerë. Si pasojë e ofensivës izraelite, në Gazë janë vrarë më shumë se 42.000 palestinezë.
Që kur ka nisur lufta në Gazë, Izraeli dhe Hezbollahu kanë këmbyer zjarr në kufi. Por, së fundi luftimet janë përshkallëzuar dhe Izraeli në fillim të tetorit nisi një ofensivë tokësore në jug të Libanit. Izraeli ka thënë se synon që të dëbojë Hezbollahun nga kufiri, në mënyrë që mijëra izraelitë, të zhvendosur nga luftimet, të mund të kthehen në shtëpitë e tyre./ REL
Komente
Lajme të tjera
-
Netanyahu në gjykatën e Tel Avivit për të dëshmuar mbi akuzat për korrupsion
24 Dhjetor, 16:06 -
Izraeli kap një raketë nga Jemeni, u lëshua pas kërcënimit të ministrit izraelit
24 Dhjetor, 15:28 -
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45 -
Netanyahu në gjykatën e Tel Avivit për të dëshmuar mbi akuzat për korrupsion
24 Dhjetor, 14:17 -
Mori çantën e shpinës me dhurata në stacionin e trenit, Parashqevi Simaku i bëri kërkesë gazetares: A mund të më gjeni vajzën që e ka bërë këtë
24 Dhjetor, 12:59 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Elon Musk: Inteligjenca Artificiale do të tejkalojë zgjuarsinë e njerëzve brenda vitit 2030
24 Dhjetor, 09:15 -
Izraeli pranon për herë të parë vrasjen e liderit të Hamasit, Haniyeh: Të njëjtin fat do ketë edhe udhëheqja e Houthis
24 Dhjetor, 07:21 -
E zënë ethet, ish-presidenti amerikan Bill Clinton shtrohet në spital me temperaturë të lartë
24 Dhjetor, 07:08 -
Luigi Mangione deklarohet i pafajshëm për akuzat shtetërore për vrasjen e CEO-s Brian Thompson
23 Dhjetor, 22:52 -
Perëndimi shpreh shqetësim për moscertifikimin e Listës Serbe
23 Dhjetor, 21:32
Shiqoni sa inteligjent esht ky njeri qenka ma e lehte nji armepushim ne Liban sesa ne Gaza por nuk thote te verteten qe Amerikanet kane vendosur qe populli i Gazes te shperngulet ne Sinaj te Egjyptit dhe ne Gaza dote ndertohe baza e Marines Amerikane per ta mbrojtur Izraelin kjo eshte e verteta.
Përgjigju