Presidenti amerikan, Joe Biden njoftoi të martën se gjatë kësaj jave ai do të heqë ndalesën për udhëtime nga Afrika e Jugut dhe shtetet e tjera në rajon. Kjo ndalesë ishte vendosur për shkak të frikës nga përhapja e variantit Omicron të koronavirusit, që fillimisht u detektua në Afrikën e Jugut në muajin nëntor.
“Kufizimet në udhëtime nuk janë më të nevojshme për të mbrojtur shëndetin publik”, tha Biden, duke shtuar se heqja e ndalesës do të hyjë në fuqi të premten, më 1 janar 2022.
Presidenti Biden tha se këtë vendim e ka marrë duke u bazuar në këshillën e Qendrave të Kontrollit dhe Parandalimit të Sëmundjeve. Ai shtoi se hulumtuesit amerikanë, “në bashkëpunim me shkencëtarët e Afrikës së Jugut, që fillimisht e raportuan këtë variant, kanë bërë përparim thelbësor në kuptimin e variantit Omicron”.
Përderisa Omicroni është shpërndarë në mbi 100 shtete të botës, përfshirë edhe në SHBA, niveli i kërcënimit nga ky variant konsiderohet i ulët krahasuar me frikën që kishin më herët zyrtarët, pasi “ekspertët kanë përcaktuar se njerëzit që janë të vaksinuar kundër COVID-19 janë të mbrojtur nga sëmundja e rëndë”, tha presidenti Biden.
Shtetet në mbarë botën vendosën kufizime ndaj shteteve në jug të Afrikës pasi Afrika e Jugut njoftoi për detektimin e variantit të ri Omicron më 24 nëntor. Organizata Botërore e Shëndetësisë dhe Kombet e Bashkuara kanë qenë kundër ndalesave në udhëtime, ndërkaq zyrtarët në Afrikën e Jugut kanë thënë se me këto ndalesa, ata janë ndëshkuar për faktin se e kanë identifikuar variantin Omicron dhe kanë qenë transparent për një gjetje të tillë. Ndalesa e SHBA-së u aplikua për Afrikën e Jugut, Botsvanën, Zimbabvenë, Namibinë, Lesoton, Esvatinin, Mozambikun dhe Malavin./REL
Lajme të tjera
-
Biden fal dënimet me vdekje, konvertohet dënimi për 37 të burgosur
23 Dhjetor, 16:25 -
Kina thotë se SHBA-ja po 'luan me zjarrin', për shkak të mbështetjes së Tajvanit
22 Dhjetor, 15:15 -
Biden nënshkruan ligjin për financimin e qeverisë, shmanget mbyllja e pjesshme e saj
21 Dhjetor, 19:23 -
Trump trysni për një marrëveshje që i jep fund luftës Rusi-Ukrainë
20 Dhjetor, 16:16 -
SHBA/ Joe Biden: Do marr pjesë në inaugurimin e Trump! Nuk do ndjek shembullin e tij 'fëmijëror' 4 vite më parë
19 Dhjetor, 19:42 -
Trump rrëzon buxhetin e përkohshëm të SHBA
19 Dhjetor, 15:12 -
I nxehtë përvëlues ‘pushton’ Australinë, temperatura arrijnë deri në 47 gradë celsius
16 Dhjetor, 16:10 -
Cikloni apokaliptik Chido në Mayotte, viktimat mund të jenë me mijëra, 1,7 mln njerëz në rrezik
16 Dhjetor, 10:38 -
Biden fal 1500 të dënuar, mes tyre dhe një shqiptar! U dënua me 27 vite burg për drejtimin e një organizate kriminale, trafikonin sasi të mëdhaja droge (EMRI)
14 Dhjetor, 20:32 -
Shtëpia e Bardhë publikon strategjinë për luftim të urrejtjes kundër myslimanëve dhe arabëve
13 Dhjetor, 10:10 -
Ish-informatori i FBI-së pranon se gënjeu për marrëdhëniet e biznesit të Hunter Bidenit me një kompani energjetike ukrainase
12 Dhjetor, 20:58 -
Trump kritikon vendimin e Biden për të lejuar Ukrainën që të sulmojë thellë brenda Rusisë me raketa amerikane
12 Dhjetor, 20:52
