POP 5

Lajmet më të lexuara të 5 minutave të fundit

Ekonomi

Bie besimi i konsumtarorëve dhe bizneseve në ekonomi, goditja më e madhe nga eksportet

Përkeqësohet situata ekonomike në vend. Sipas të dhënave të publikuara nga Banka e Shqipërisë besimi në ekonomi i konsumatorëve dhe i bizneseve ka rënë me 12.6% në periudhën e fundit të vitit 2019. Goditja më e madhe në rënien e besimit është dhënë nga sektori i industrisë.

Bie besimi i konsumatorëve dhe i bizneseve në ekonomi, me 12.6% në periudhën e fundit të vitit 2019. Goditja më e madhe në uljen e besimit në ekonomi e ka dhënë sektori i industrisë, pasi sipas Bankës së Shqipërisë treguesi i besimit ka rënë me 5.1%, ku rënia e prodhimit si dhe mungesa e kontratave për porosi. Referuar anketës në 3 muajit e  fundit të vitit të kaluar ka pasur një rënie në lidhjen e kontratave për eksport në sektorin e prodhimit në nivelin e 12.1%. për këtë sektor ka rënë edhe punësimi, pasi nga 6.8% që ishte ka rënë në 1.3%.

Në vend të dytë më besimin më të ulët në ekonomi renditet sektori i tregtisë, me -3.4%, duke zbritur poshtë mesatares historike, e ndihmuar negativisht nga shumica e treguesve të këtij sektorit. Ecuria e biznesit në këtë sektor ka rënë me 7.7%, punësimi me 6 %, po ashtu është përkeqësuar edhe gjendja financiare e këtyre ndërmarrjeve pasi është përkeqësuar me 9.5%.

Më pas renditja vijon me  ndërtimin pasi ka rënë me 3% gjatë tremujorit të katërt, duke qëndruar nën mesataren historike të tij, për shkak të rënies së aktivitetit ndërtues dhe mungesa e lidhjes së kontratave. Ndërkohë, balanca e punësimit dhe norma e shfrytëzimit të kapaciteteve rezultuan të përmirësuara në tremujorin në analizë.

Ndërsa treguesi i katërt që është përsëri negativ është edhe rënia e besimit të konsumatorit me 1.4%, e favorizuar nga rënia e situatës së përgjithshme ekonomike të pritur në vend, e balancës së situatës financiare të pritur të familjes, dhe balancës së blerjeve të mëdha. Në përkeqësimin e besimit ka ndikuar edhe situata pas tërmetit të 26 nëntorit pasi shumë biznese dhe ndërmarrje u paralizuan, u bllokuan lejet e ndërtimit si dhe u ul konsumi për shkak të tronditjes së krijuar.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sss: 09/01/2020 00:53

    Po normale ky shikon si ti fusi njerzit n burg dhe jo ti leri t investojn

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

SPAK nxjerr blof Berishën asnjë dosje për Majkon në Prokurorinë e Posaçme

SPAK nxjerr blof Berishën asnjë dosje për Majkon në Prokurorinë e Posaçme

10 Janar, 13:26