POP 5

Lajmet më të lexuara të 5 minutave të fundit

Ekonomi

Bie besimi në ekonomi, qytetarët heqin dorë nga shpenzimet e mëdha

Besimi në ekonomi ka rënë me 1.1% në muajin maj, i ndikuar nga përkeqësimi i aktivitetit të ndërtimit, industrisë dhe pesimizmi i konsumatorëve. Banka e Shqipërisë thotë se vetëm sektori i shërbimeve për shkak të turistëve të huaj si dhe bizneset tregtuese presin rritje të aktivitetit dhe të çmimeve.

Pas përmirësimit në mars dhe prill, besimi në ekonomi i është rikthyer rënies Banka e Shqipërisë thotë se besimi në ekonomi në muajin që lamë pas ra me 1.1%, dhe ndikimi negativ më i madh është dhënë nga ndërtimi, industria dhe konsumatorët. Nga ana tjetër, besimi u rrit në sektorët e shërbimeve dhe të tregtisë. Përkeqësimi më i madh i besimit është regjistruar tek kategoria e konsumatorëve me 4.9%.

“Konsumatorët vlerësuan më dobët situatën e tyre financiare, situatën ekonomike të vendit në të ardhmen si dhe blerjet në shuma të mëdha. Pritjet e konsumatorëve për papunësinë në të ardhmen janë rritur në muajin maj”, thuhet në raportin e Bankës së Shqipërisë.

Ndërkohë besimi në industri dhe në ndërtim ka rënë me nga 0.6%, dhe shkaqet kryesore sipas raportit janë rënia e prodhimit në industri, reduktimi i aktivitetit në ndërtim dhe ulja e porosive. Këto dy sektorë presin përmirësim në muajt në vijim por dhe çmime më të larta.

Nga ana tjetër shërbimet janë në rritje ndikuar edhe prej shtimit të turistëve në raport me vitin e kaluar. besimi në këtë sektor është rritur me 2.1% në muajin e kaluar, si rezultat i rritjes së aktivitetit, shtimit të kërkesës dhe përmirësimi i treguesve të punësimit. Ndërkohë presin rënie çmimesh në periudhën në vijim.

Edhe tregtia si rezultat i kërkesës së shtuar për konsum, është në rritje me 1.3%. sipas raportit në këtë sektor ka ndikuar pozitivisht rritja e punësimit, ecuria e biznesit, dhe pritshmëritë për rritje të çmimeve në të ardhmen.

G.M./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lulja e kuqe e Krishtlindjeve, si të kujdeseni për ta pasur sa më gjatë në shtëpi

Lulja e kuqe e Krishtlindjeve, si të kujdeseni për ta pasur sa më gjatë në shtëpi

25 Dhjetor, 08:34