POP 5

Lajmet më të lexuara të 5 minutave të fundit

Ekonomi

Bie me 36 mln euro kredia në muajin korrik! Më shumë për blerje banese, ulet për hapje biznesi

Në muajin korrik është shënuar një rënie me 36 milionë euro e kredisë në monedhën kombëtare. Sipas të dhënave të bankës së Shqipërisë në muajin e kaluar në total u dha 13.4 miliardë lekë kredi nga 17.7 miliardë që u dha në muajin qershor. Më shumë lekë u dhanë për blerje banese dhe më pak për hapje biznesi.

TIRANË- Ka rënë me 4.4 miliardë lekë kredia në monedhën vendase për ekonominë në muajin korrik, krahasuar me qershorin. Sipas të dhënave të Bankës së Shqipërisë në muajin e kaluar kredia e re e dhënë ishte 13.2 miliardë lekë, nga 17.7 miliardë lekë që u dha në muajin qershor.

Ndërkohë në raport me Korrikun e vitit 2019, kredia e tërhequr nga bizneset dhe individët ka pësuar një rritje të lehtë me rreth 1.2 miliardë lekë. Rënia më e ndjeshme e huadhënies është reflektuar tek ajo në euro pasi ka rënë me rreth 7 milionë euro, dhe në total në Korrik u dha vetëm 54 milionë euro nga 61 milionë euro që u dha në muajin qershor.

Në këtë rënie ka ndikuar edhe përfundimi i tërheqjes së garancisë së parë sovrane, pasi procesi u mbyll në qershor kur ishin dy kredi funksionale. Sipas Bankës së Shqipërisë garancitë sovrane kanë rritur nivelin e kredisë së dhënë.

Në muajin korrik është reflektuar edhe një ulje huaje për çelje biznesi me 50 milionë lekë dhe në total u dha në korrik vetëm 7.2 miliardë lekë. Ndërkohë huaja në lekë për kapital qarkullues, për blerje pajisjesh dhe pasuri të paluajtshme kanë pësuar rritje. Ndërsa tek huaja në euro ka pasur rënie në të gjithë treguesit e lartpërmendur përveç huasë për pasuri të paluajtshme.

Sektorët me rritjen më të madhe në financim është bujqësia, e cila nga 77 milionë që mori në muajin qershor, në korrik ka marrë 474 milionë lekë. Po ashtu me 249 milionë lekë  është rritur huaja për industrinë përpunuese. Tregtia ka qenë sektori i tretë më i financuar, dhe ka marrë rreth 2.2 miliardë lekë më shumë se në qershor. Në fund të muajit korrik, stoku i kredisë për ekonominë arriti në 590 miliardë lekë.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me 70 pasagjerë në bord! 6 të mbijetuar

Kazakistan/ Rrëzohet avioni me 70 pasagjerë në bord! 6 të mbijetuar

25 Dhjetor, 08:46