Një fëmijë 10 vjeç për pak sa nuk ka humbur jetën në oborrin e lagjes së quajtur, "Pallatet e Malejzanit" mesditën e së dielës.
 
10-vjeçari Genci. H. kishte hipur në një kafaz për pëllumbat, në brendësi të bllokut të pallateve, ku ka humbur ekuilibrin, duke rënë nga rreth 3 metra.
 
Banorët i kanë dhënë ndihmën e parë 10-vjeçarit që aktualisht ndodhet i shtuar në spitalin e Traumës jashtë rrezikut për jetën.
 
Policia ka mbërritur në vendngjarje dhe e ka klasifikuar si aksidentale.