POP 5

Lajmet më të lexuara të 5 minutave të fundit

Kronikë

Vdekja misterioze e 28-vjeçarit tek 'Rogner', këputen hekurat e ballkonit të hotelit, bie nga kati 5-të! Nisin hetimet për administratorin

Ajdin Mustafi, 28-vjeç ka humbur jetën tragjikisht në një nga hotelet më luksoze në Tiranë. I riu kishte prej dy ditësh që ishte regjistruar si klientë në hotel 'Rogner' në bulevardin Dëshmorët e Kombit, dhe dyshohet se ka ndërruar jetë pasi i janë këputur hekurat e ballkonit ku po qendronte

Vdekja misterioze e 28-vjeçarit tek 'Rogner', këputen hekurat e ballkonit të hotelit, bie nga kati 5-të! Nisin hetimet për administratorin

Hotel Rogner

TIRANË- Ajdin Mustafi, 28-vjeç ka humbur jetën tragjikisht në një nga hotelet me 5 yje në Tiranë. Gazetari i Report Tv Arsen Rusta, raporton se i riu kishte prej dy ditësh që ishte regjistruar si klient në hotel 'Rogner' i cili ndodhet në bulevardin 'Dëshmorët e Kombit', dhe dyshohet se ka ndërruar jetë pasi i janë këputur hekurat e ballkonit ku po qendronte dhe ka rënë.

Ai ishte mbështetur në kangjellat e ballkonit, dhe dyshohet se ato janë këputur, pasi mendohet se mbrojtësja metalike nuk ka qenë e fiksuar mirë, e për pasojë i riu ka rënë nga lartësia e katit të 5-të, ku fillimisht ka mbetur i plagosur. Trupi i të riut në dysheme është gjetur së bashku më zgarën mbrojtëse të ballkonit. 28-vjeçari është dërguar më urgjencë në spital, por nuk ka mundur që t'u mbijetojë plagëve dhe ka ndërruar jetë.

Nga hetimi ka rezultuar se bordura e dritares së hotelit ishte me defekt dhe kanë nisur hetimet ndaj administratorit të hotel 'Rogner' dhe përgjegjësit për mosrespektimin e rregullave të sigurimit teknik.

28-vjeçari ishte shqiptar i Kosovës dhe kishte dy ditë që kishte ardhur në Shqipëri nga Zvicra. I riu kishte edhe shtetësi shqiptare dhe zvicerane. Në dhomë mësohet se rrinte i vetëm, pa të dashurën, gruan apo ndonjë shok. Nga gjitha ekzaminimit në dhomë rezulton se s'ka asnjë gjurmë që të kenë qenë dy persona.

Ngjarja është e mbushur me mister pasi shumë informacion, nuk ka mbi këtë ngjarje të rëndë. Duke qenë se bëhet fjalë për një hotel me 5 yje në qendër të Tiranës, si ka mundësi që mbrojtësja metalike të jetë e pafiksuar mirë. Bëhet fjalë për një njeri që nuk dihet asgjë dhe sigurisht që duhet sqaruar deri në fund nëse kemi të bëjmë thjesht me një aksident tragjik, apo ndonjë ngjarje kriminalen.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57