POP 5

Lajmet më të lexuara të 5 minutave të fundit

Ekonomi

Bien në 4.7% kreditë me probleme, niveli më i ulët prej 2008-ës! Banka e Shqipërisë: Në fund të 2023-shit, kredia e keqe ishte 35.2 mld lekë

Edhe pse norma bazë e interesit është rritur disa herë në vitet e fundit, duke shkaktuar shtrenjtim të kredive për qytetarët e bizneset, Banka e Shqipërisë raporton se kreditë me probleme përgjatë 2023 kanë zbritur në nivelin më të ulët historik.  

Viti 2023 pavarësisht se regjistroi norma të larta interesi, u shoqërua me rënie të kredive me probleme. Përkundjet të gjitha pritshmërive se situata e pasigurt ekonomike, inflacioni i lartë dhe rritja e normës bazë të interesit do të rriste huatë me probleme, në fund të dhjetorit Banka e Shqipërisë raporton se ato zbritën në 4.7%.

Ky është niveli më i ulët i regjistruar që prej vitit 2008 kur kanë nisur raportimet e para për këtë tregues. Konkretisht në fund të dhjetorit kredia e keqe vlerësohet të jetë 35.2 miliardë lekë, ndërsa totali i kredisë së dhënë për ekonominë vjet arriti 743,7 miliardë lekë.

Mbajtja në nivel të ulët të kredive të këqija tregon se fuqia paguese e kredi marrësve nuk ka pësuar ulje, kjo lidhet edhe me forcimin e lekut, që ka ndihmuar qytetarët që i kanë të ardhurat në lekë. Forcimi i lekut ka ndihmuar të gjithë qytetarët që i kanë kreditë në euro, pasi për këstet e tyre kanë paguar më pak se në vitin 2022, kjo për shkak se 1 euro vjet ka kushtuar rreth 9% më pak se në 2022-shin.

Nga ana tjetër edhe normat e favorshme të interesit për kreditë në lekë, kanë dhënë impaktin e tyre në ruajtjen e fuqisë paguese të kredimarrësve në vitin e shkuar.

Viti 2023 është shoqëruar edhe me rritje të kreditimit si të bizneseve ashtu edhe të qytetarëve. Përgjatë vitit të kaluar totali i kredisë së re të dhënë arriti në 318.8 miliardë lekë, duke pësuar një rritje me 40.4 miliardë lekë krahasuar me vitin 2022.

B.V/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Magjia e Krishtlindjeve, qindra njerëz shijojnë koncertin festiv në sheshin 'Skënderbej'

Magjia e Krishtlindjeve, qindra njerëz shijojnë koncertin festiv në sheshin 'Skënderbej'

24 Dhjetor, 19:35