Bilanci tragjik me 10 jetë të humbura në aksidentet rrugore në më pak se dy javë ka sjellë shkarkimin e të gjithë drejtuesve të komisariateve të policisë rrugore në rang vëndi.

Pas analizës të bërë një ditë më parë për shkaktarët e aksidenteve dhe performancën e dobët të policisë rrugore ka qenë urdhëri i Drejtorit të Përgjithshëm, Haki Çako që ka shkarkuar drejtuesit e e kësaj njësie duke nisur nga Drejtori i Përgjithshëm z.Mitat Tola.

Analiza mësohet se ka qenë tejet e tensionuar dhe me debate të forta ndërsa kërkesa e Ministrit Tahiri ka qenë e prerë për vartësit e tij duke kërkuar shkarkim të kujdo që ska bërë detyrën për të mbrojtur jetën e njërzëve.

Aktualisht këto pozicione janë zëvëdnësuar me persona të komanduar nga rradhët e policive në qarqe ndërsa në vënd të Tolës në drejtorinë e përgjithsme ka ardhur Ardi Veliu, ish zv.drejtori policisë së Tiranës.

tola veliu
(Ish-drejtori i Rrugores, Mit'hat Tola)                           (Drejtori i ri Ardi Veliu)

ReportTv ka mësuar se drejteusit e komanduar do të jetnë në monitorim çdo 3 ditë nga drejtoria e përgjithsme për rezultatet në parandalimin e aksidenteve dhe cili prej tyre do të ketë jetë të humbura në rrugë si bilanci i ditëve të fundit do të shkarkohet nga detyra.

Në aksidentet e përfshira sëfundi humbën jetën dhe dy efektive policie njëra prej tyre në Gjirokastër dhe një 2 ditë më parë në Vlorë.

Aksidentet tragjike të ditëve të fundit, 10 të vdekur
Aksidentet tragjike të regjistruara në rrugët e vendit, është bërë shkak për shkarkimet masive në Policinë Rrugore. Në vetëm 5 ditë, nga aksidentet rrugore kanë humbur jetën 10 persona. Aksidentet më të rënda kanë qenë ai i Gjirokastrës ku humbën jetën 3 persona dhe ai i Lezhës mëngjesin e ditës së martë me dy të vdekur në vend. 

Në Korçë, Tiranë dhe Vlorë gjithashtu janë regjistruar aksidente me pasojë vdekjen, duke e çuar kështu bilancin e 5 ditëve në 10 të vdekur. 

Redaksia Online
l.q/Shqiptarja.com