Ambasadori i Shteteve të Bashkuara në Kosovë, Jeff Hovenier, tha se vendi i tij e ka bërë të qartë tashmë se "nuk mbështet asnjë marrëveshje që shkel Kushtetutën e Kosovës" ose që "kërcënon sovranitetin, pavarësinë dhe karakterin multietnik" të saj.
"Ne kundërshtojmë rreptësisht krijimin e një entiteti që i ngjan Republikës Sërpska në Bosnje dhe Hercegovinë", tha Hovenier.
Ai i bëri komentet pas një diskutimi që organizoi të martën Ambasada amerikane në Prishtinë për Asociacionin e komunave me shumicë serbe në Kosovë.
Marrëveshja për formimin e këtij asociacioni është arritur në vitin 2013 në kuadër të dialogut për normalizimin e marrëdhënieve Kosovë-Serbi, të ndërmjetësuar nga Bashkimi Evropian, por ajo nuk është zbatuar kurrë.
Në Prishtinë, zyrtarët thonë se nuk mund të lejojnë formimin e një asociacioni njëetnik me kompetenca ekzekutive, ndërsa në Beograd insistojnë në themelimin e tij.
Hovenier tha se SHBA-ja pret që "Kosova t'i përmbushë obligimet e saj".
"Ne kërkojmë nga Qeveria e Kosovës që ta ofrojë vizionin e saj për Asociacionin, që beson se mbron të ardhmen e Kosovës si shtet sovran, i pavarur, multietnik, demokratik, dhe siguron të drejtat e pakicave në përputhje me marrëveshjet e Brukselit dhe Kushtetutën e Kosovës", tha Hovenier.
"Ne jemi të gatshëm të ofrojmë ekspertizë dhe mbështetje politike, për t'u siguruar se ai funksionon në interes të të gjithë kosovarëve", shtoi ai.
Ambasadori amerikan theksoi se partneriteti i SHBA-së me Kosovën "është i palëkundur".
"Diskutimi i sotëm reflektoi miqësinë tonë të thellë dhe të gjatë me popullin e Kosovës. Ne donim t’i kuptonim këndvështrimet e pjesëmarrësve për Asociacionin, çfarë mund të jetë, si mund të realizohet për qytetarët e Kosovës, por edhe çfarë kapacitetesh nuk mund apo nuk duhet të ketë", tha ai.
Lajmi kryesor:
Takimi në Prishtinë për Asociacionin, ambasadori i SHBA: Nuk mbështesim marrëveshje që kërcënon sovranitetin e Kosovës
Lajme të tjera
-
Zyrtare/ FK Ballkani kampion i Kosovës për herë të tretë radhazi, Ilir Daja shkruan historinë në futboll
18 Maj, 16:58 -
Eurodeputeti holandez: Shtetet anëtare të KiE-së iu përulen Serbisë
18 Maj, 15:20 -
Vjosa Osmani takon Hillary Clinton, e falënderon për ndihmën e dhënë ndaj Kosovës
18 Maj, 12:27 -
Personi që sulmoi bashkëshortin e Nancy Pelosit dënohet me 30 vjet burg
18 Maj, 11:57 -
Dy ‘kryeveprat’ e Kurtit: Thaçi e UÇK në Hagë dhe izolimi i Kosovës
17 Maj, 21:13
-
KiE thotë se po shqyrton se si të procedojë për rastin e Kosovës
17 Maj, 20:19 -
Kosova jashtë agjendës së takimit të KE, Hasani: Mundësi e humbur
17 Maj, 12:33 -
Këshilli i Evropës: Kosova mbetet jashtë agjendës së takimit
17 Maj, 11:23 -
BE: S’mund ta vlerësojmë draftin e paralajmëruar nga Kosova për Asociacionin, pa e ditur përmbajtjen
16 Maj, 21:54 -
Mero Baze: Albin Kurti gjithë betejat i ka bërë kundër Perëndimit
16 Maj, 20:54
-
Berlini, Parisi dhe Roma i shkruajnë Albin Kurtit: Po rrezikoni antarësimin në Këshillin e Evropës
16 Maj, 18:02 -
Qeveria synon ta rinegociojë marrëveshjen për burgjet me Danimarkën
16 Maj, 16:40
