POP 5

Lajmet më të lexuara të 5 minutave të fundit

Politikë

Lajme nga emisionet

Bislim Ahmetaj në 'Repolitix': Basha erdhi në krye të PD-së me dosje për vrasjet e pasluftës në Kosovë! Koçi: Me CIA-n Berisha i kishte kartat e djegura me kohë, por DASH kishte linjë tjetër

U desh përjashtimi i Sali Berishës nga grupi parlamentar i PD-së që të dilnin në pah disa të vërteta që për opinionin publik ishin servirus si thashetheme, por sot konfirmohen goja e vetë protagonistëve

TIRANË- U desh përjashtimi i Sali Berishës nga grupi parlamentar i PD-së që të dilnin në pah disa të vërteta që për opinionin publik ishin servirus si thashetheme, por sot konfirmohen goja e vetë protagonistëve. Anëtari i "grupimit për PD", Bislim Ahmetaj tha sot në studion e 'Repolitix' se Lulzim Basha ka ardhur në krye të PD me dosje që kanë të bëjnë me vrasjet në Kosovë, si person në dijeni si pjesë e punës me UNMIK dhe për këtë e dinte edhe Sali Berisha madje shantazhonin njëri-tjetrin, por nuk dha më shumë detaje.

"Basha ka ardhur me dosje në krye të PD-së,  ka punuar për ato të Kosovës, për vrasjet që kanë ndodhur në Kosovë dhe i ka zbardhur Lulzim Basha janë vrasje që edhe veterani i UCK i di dhe Luli i di, është një dosje e komplikuar, ai ka ardhur me një dosje, "ti do rrish këtu se të themi ne". Janë shantazhuar me njeri-tjetrin (i referohet Berishës), unë jam i baraslarguar nga Berisha, njeri potencial dhe ka integritetin e vet. Dosjen e implikimit në krimet që kanë ndodhur në Kosovë  pas mbarimit të luftës, e ka thënë edhe Sali Berisha sot, unë e kam ditur, edhe Fatosi e di", tha Ahmetaj.

Për një informacion të tillë, edhe ish-kreu i SHIK-ut, Fatos Klosi tha se e kishte dëgjuar.

"Unë e di që këto gjëra janë thënë për Bashën, i kam quajtur komente të shtypi, nuk di ta them nëse është e vërtetë apo jo. Pra Berisha i dinte, por edhe sikur të mos e dinte i ka dëgjuar nga shtypi, nuk kishte pse të zgjidhje një njeri që ka probleme të tilla, akoma më e rëndë që Berisha u thotë kur i vjen litari në fyt. Berisha nuk e ka merituar këtë punë, ka ngritur PD, por kur bën rezymenë e tij është një personazh, e kujtonte veten hero në Kosovë", tha Fatos Klosi.

Ndalur te shpallja e Berishës 'Non Grata', deputeti socialist Petro Koçi tha se ish-kryeministri është shpallur person i padëshiruar edhe nga CIA, por DASH ka ndjekur një linjë tjetër.

"Me CIA Berisha i kishte kartat e djegura me kohë, por departamenti kishte tjetër linjë", tha Koçi.

 

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve

Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve

25 Dhjetor, 16:02