Bizneset afat deri në 5 qershor për pagën e luftës, ja formulari i ankesave që duhet të plotësojnë

Bizneset afat deri në 5 qershor për pagën e luftës, ja formulari i ankesave që duhet të plotësojnë

Të gjithë ato biznese që nuk kanë aplikuar për pagën e luftës për punonjësit e tyre kanë afat deri në datën 5 qershor, në rast të kundërt do të gjobiten në masën 50.000 (pesëdhjetë mijë) lekë. Ndërsa të gjithë tatimpaguesit të cilët i kanë trajtuar me pagë të plotë të punësuarit apo ish-të punësuarit e tyre, nuk do jenë subjekt i këtij penaliteti.

Administrata Tatimore bën të ditur se tatimpaguesi në këtë raste duhet që të plotësojë formularin e ankesës, brenda datë 5 Qershor 2020, dhe ta ngarkojë atë në menunë ‘’Çështjet e Mia’’, në llogarinë në e-filing.

"Brenda 30 (tridhjetë) ditëve nga data e komunikimit të penalitetit të vendosur, çdo subjekt i gjobitur do të ketë mundësi t’i paraqesë Administratës Tatimore, nëpërmjet llogarisë së deklarimit elektronik e-filing, shkaqet dhe/ose arsyet e mosaplikimit, shoqëruar me dokumentacion mbështetës që i argumenton ato", thuhet në njoftimin e Drejtorisë së Tatimeve.

Ndërsa individëve përfitues nga paketa e dytë financiare, për të cilët punëdhënësi nuk do të kryejë aplikimin brenda datës 5 Qershor 2020, do t’iu jepet mundësia të plotësojnë të dhënat e tyre të llogarive bankare dhe do të vijohet menjëherë me kalimin në mënyrë automatike të masës së përfitimit.

(Kliko ketu) Formulari i Ankeses per Tatimpaguesit per Mosaplikim te Ndihmes Financiare

B.K./xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

GJKKO firmos masë të dytë sigurie për Taulant Tushen

GJKKO firmos masë të dytë sigurie për Taulant Tushen