TIRANE- Niveli i kredive me probleme në Shqipëri në muajin mars zbriti në nivelin e ulët historik. Bizneset dhe qytetarët po i paguajnë në kohë kreditë, edhe pse interesat janë rritur. Aktualisht sipas raportit të Bankës së Shqipërisë janë 4.64% nga 5.15% që ishte në të njëjtin muaj të vitit të kaluar.
35.4 miliardë lekë të reja janë kreditë me probleme në sektorin bankar dhe në raport me marsin e vitit të kaluar, stoku i kredisë së keqe është në rënie me 1.2 miliardë lekë. Edhe pse pritej që portofoli i keq të zgjerohej për shkak të rritjes së normës bazë të interesit që solli rritje edhe të normave për kreditë që jepnin bankat, situata e mirë ekonomike, zhvlerësimi i valutave dhe aftësia paguese e klientëve kanë ndikuar pozitivisht.
“Ky përmirësim është vënë re në të gjitha portofolet e kredisë, por ka qenë më i dukshëm në portofolin e kredisë në monedhë të huaj, në kredinë afatgjatë dhe në kredinë për bizneset”, thotë Banka e Shqipërisë.
Forcimi i ndjeshëm i lekut ndaj euros dhe dollarit në raport me vitin e kaluar, ka bërë që kostot e kthimit të kredisë së marrë në euro të ulen. Në raportin e stabilitetit financiar Banka e Shqipërisë ka listuar edhe disa nga faktorët e tjerë që kanë ndikuar në rritjen e cilësisë së kredisë.
“Pavarësisht pritjeve, rritja e normave të interesit nuk ka shfaqur ende një ndikim të dukshëm negativ në cilësinë e kredisë. Rënia e kredive me probleme lidhet me riklasifikimin e kredive me probleme në klasa më të mira, fshirjen e kredive të humbura, si dhe shlyerjen e një pjese të kredive me probleme”, thotë Banka e Shqipërisë.
Por edhe bankat prej disa muajsh po tregohen më të kujdesshme në dhënien e kredisë, dhe kanë shtrënguar kushtet e kreditimit, në mënyrë që të mos rrezikojnë, duke shmangur rritjen e kredisë së keqe. Totali i kredisë së dhënë për ekonominë deri në fund të muajit mars ishte 763 miliardë lekë, nga 711 miliardë lekë që raportohet në fund të marsit të vitit 2023.
KREDITË ME PROBLEME NË %
Mars 2023 5.15%
Mars 2024 4.64%
Rënia -0.51%
TOTALI I KREDISË PËR EKONOMINË
Mars 2023 711,453 mld lekë
Mars 2024 763,204 mld lekë
Rritja + 51,751 mld lekë
KREDIA ME PROBLEME NË VLERË
Mars 2023 36,639 mld lekë
Mars 2024 35,412 mld lekë
Rënia -1,227 mld lekë
K.T.//Shqiptarja.com
Sondazhi i ditës:
A duhet të lejohet mjeku të punojë njëkohësisht në spital publik e privat?
-
Po
11.9%
-
Jo
84%
-
Nuk e di
4.1%
Vota total: 2466
Votat totale janë unike
Lajme të tjera
-
Banka e Shqipërisë ndërhyn në tregun e parasë, blen 32.60 milionë euro
29 Qershor, 08:42
-
Nis puna për rregullore të re për mbikëqyrjen e mikro-financës, BSH: Kufizojmë numrin e kredive! ‘Morën hua dhe adoleshentët e të sëmurë
27 Qershor, 12:18
-
Projektrezoluta, Kuvendi 18 kërkesa bankës së Shqipërisë: Mbroni konsumatorët nga mikrokreditë, propozoni ndryshime ligjor
26 Qershor, 20:11
-
Veprimet e gabuara që mund t’iu vjedhin paratë online! BSH nis fushatë informimi
17 Qershor, 14:58
-
Banka e Shqipërisë firmos aplikimin zyrtar për anëtarësimin e Shqipërisë në SEPA
13 Qershor, 12:25
-
Shifrat/ Në janar-mars investimet e huaja arritën në 354 mln euro, ‘triumfojnë’ pasuritë e paluajtshme, ekspertët: Tregu i pronave ‘i lirë’ për të huajit
11 Qershor, 12:57
-
Shqipëria vijon të ketë turistë ‘të lirë’! Të ardhurat në janar-mars nga turizmi arritën 788 mln euro, por një i huaj shpenzoi më pak se vjet
10 Qershor, 12:01
-
Qytetarët e bizneset nuk po i paguajnë në kohë këstet e kredive, shkak rritja e interesave! Huatë me probleme u rritën në prill
10 Qershor, 11:23
-
FMN: Moscenimi i pavarësisë së BSH është vendimtar për ruajtjen e stabilitetit financiar
7 Qershor, 11:40
-
Pas skandalit të mashtrimeve me mikrokreditet, Banka e Shqipërisë rregullore të re: Institucionet financiare që humbasin licencën kalojnë në likuidim
7 Qershor, 11:36
-
FOTO/ Nga 20 qershori në qarkullim monedha të reja metalike 5 Lekë
5 Qershor, 20:03
-
Tregu i zi i letrave me vlerë/ Mbi 1.2 milionë bono në qarkullim por s'dihet kush i ka dhe me çfarë vlere i shet! 'Ekonomia' pro zgjatjes së afatit deri në 2027-ën
4 Qershor, 14:02