Bizneset në Vlorë i ankohen Bashës: Po falimentojmë, malli nuk na shitet e për pasojë po prishet

Kryedemokrati Lulzim Basha përveçse me një grupë pensionistësh, u takua me biznesin e vogël dhe me tregtarë në tregun e fruta-perimeve në Vlorë.

Ata i janë ankuar kryetarit të opozitës për kushtet e vështira që po kalojnë, ndërsa theksuan se kanë 30 vite që paguajnë taksat, por pushteti vendor dhe qëndror as që i kthen sytë nga ta.

“Nuk kemi asnjë mbështetje.12 orë punë, 10 euro dita.” - thotë një tregtar.

LEXO EDHE:
Vlorë, merr flakë kati i parë i një banese, zjarrfikësit në vendngjarje

Basha tha se vendi ka nëvojë për një qeveri që në vëmendje ka qytetarin dhe taksat i kthen në shërbim dhe jo pagesa korrupsioni.

“Ju do ta ktheheni pushtetin për të ndryshuar qeverinë sa herë që nuk punon për ju dhe mendon për vetë.”

Lulzim Basha, tha se shqiptarët kanë 8 vite që gënjehen dhe nëpërkëmbën, ndaj ai kërkoi mbështetjen e qytetarëve për të ndryshuar realitetin.  

Lajmi kryesor:

'Na kanë lënë në harresë', Basha takim me pensionistët në Vlorë: Më shumë janë rritur çmimet e ushqimeve, pensionet jo (VIDEO)

E.M./b.ha./Shqiptarja.com

TAG:
• Vlore
• lulzim basha
• pensionistet