Bizneset: Përjashtimi nga renta minerare ndihmon industrinë vendase

Bizneset: Përjashtimi nga renta minerare ndihmon industrinë vendase

Kthimi për rishqyrtim në kuvend nga ana e presidentit Ilir Meta, të ligjit për taksat kombëtare, i cili përjashton metalet e kromit dhe bakrit që përpunohen në vend për 3 vjet nga renta minerare, shihet nga prodhuesit vendas si një akt që po dëmton industrinë shqiptare.

“Për ne çdo ditë që e vonon këtë lehtësi në kushtet e pandemisë ku ndodhemi është kosto dhe humbje kohe. Presidenti të konsultohej me ne”, thotë Arben Shkodra.

Bashkimi i Prodhuesve Shqiptarë është iniciatori i kësaj mase lehtësuese, ku përveç përjashtimit të kësaj industrie nga renta minerare ka kërkuar në maj edhe disa lehtësi të tjera të cilat nuk janë pranuar nga ekzekutivi.

Arben Shkodra thotë se në asnjë rast ligji nuk është klientelist, pasi stimulon rritjen e investimeve në industrinë vendase dhe punësimin, duke rritur vlerën e shitjes në tregjet jashtë të mineraleve të përpunuara.

“Nuk ka pse shitet për disa herë më pak, kur e përpunuar shitet jashtë me çmim më të shtrenjtë. Këtë të ardhur e përfiton industria vendase, vendet e punës në Shqipëri, dhe jo Kina apo shtete të tjera afër nesh që marrin pasurinë tonë, e përpunojnë dhe fitojnë nga kjo”, shton ai.

Bashkimi i Prodhuesve thotë se ligji nuk është klientelist, ndërsa sqaron se janë 19 biznese që kanë investuar në fabrika rreth 140 milion euro në industrinë vendase dhe punësojnë 2200 punëtorë.

“Kemi miliona euro investime, nëse marrin të ardhura investohen në Shqipëri”, vijon Kodra.

Kreu i Shtetit ktheu për rishqyrtim nismën e kuvendit me arsyet se bie ndesh me kushtetutën dhe parimet e lirisë ekonomike, pasi krijon lehtësi fiskale për një kategori të caktuar industrish në vend, sipas tij me baza klienteliste. Renta minerare varion nga 4 deri në 10% e vlerës se mineralit që eksportohet sipas llojit të metalit. /Tv Klan

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • 007: 16/01/2021 14:20

    Z.Shkodra keni të drejtë, por kjo nuk ka të bëjë me çështjen....është thjeshtë gjobë online e presidentit.

    Përgjigju
  • redu: 16/01/2021 12:57

    Bisnese qe duan super fitime dhe lobojne per heqje taksash . Meta ne kete rast ka te drejte ,se shteti humbet 500 milion leke nga kjo takse.Ne te gjithe boten bisneset paguajne taksa per te ushtruar bisnesin e tyre . Qeveria nuk duhet te bazohet ne lobime te demshme per shtetin, pasi kjo do te rrus borxhin publik dhe nje dite te falimenton si shtet .Rama e ka toleruar shume bisnesin ne kurriz te buxhetit te shtetit .

    Përgjigju
  • Ali: 16/01/2021 11:37

    Ndihmon zamirin. Si pagon kot darkat ne dubai ai...

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Do ngrihet Dhoma Ekonomike Kombëtare! Rama tregon objektivin: Synojmë të rrisim deri në 4 miliardë euro investimet e huaja

Do ngrihet Dhoma Ekonomike Kombëtare! Rama tregon objektivin: Synojmë të rrisim deri në 4 miliardë euro investimet e huaja