POP 5

Lajmet më të lexuara të 5 minutave të fundit

Ekonomi

Pandemia godet sektorin e metaloreve/ Miratohet heqja e taksës së rentës minerare për 1 vit për kompanitë e nxjerrjes e përpunimit të bakrit e kromit

Pavarësisht kundërshtive të Ministrisë së Financave për heqjen e taksës së rentës minerare për të gjithë sektorin metalor të kromit dhe bakrit, Komisioni i Ekonomisë miratoi heqjen e taksës për vitin 2021.

Me argumentin se pandemia i ka dëmtuar, komisionet parlamentare kanë miratuar heqjen taksës së rentës minerare për kompanitë e prodhimit dhe të përpunimit të kromit dhe bakrit.

Fillimisht projektligji parashikonte heqjen e rentës minerare në vlerën e 8% këtë vit dhe 9% të parashikuar për vitin 2021, vetëm për kompanitë e përpunimit të kromit dhe të bakrit, të cilat i eksportonin këto minerale metalore në formën e nënprodukteve minerare, sikurse është ferrokromi apo koncentratet e kromit dhe të bakrit.

Përjashtimi ishte parashikuar për 3 vite, por pas diskutimeve në komisione u vendos që për një periudhë 1 vjeçare (vetëm 2021) të  përjashtohen nga kjo taksë edhe kompanitë e nxjerrjes së këtyre dy produkteve.

Edhe pse ky propozim erdhi nga deputetet e Komisionit të Veprimtarisë Prodhuese dhe u mbështet nga Ministria e Infrastrukturës dhe opozita, përfaqësuesit e Ministrisë së Ekonomisë e kundërshtuan me argumentin se thellon gropën në buxhet.

“Duhet të jemi të vetëdijshëm se sot me vështirësi reale ndeshet si përpunuesit ashtu edhe nxjerrësit”, u shpreh Beqaj.

“Nga eksporti i kromit ne arkëtojmë 290 milionë për këtë vit. Pra nëse ne e zgjerojmë këtë përjashtim edhe me kromin e papërpunuar kostoja kalon mbi 1 miliardë lekë në tre vite që është e paparashikuara në buxhetin e shtetit. Nëse do të ndiqet e njëjta logjikë edhe për mineralin e papërpunuar kostoja rritet edhe me më shumë se 1 miliardë në 3 vite dhe është e paparashikuar në buxhetin e shtetit”, tha Niko Lera nga Ministria e Financave.

“Ne mbështesim propozimin që i gjithë sektori të jetë i përjashtuar nga renta minerare”, tha zëvendësministri i infrastrukturës.

“I gjithë sektori është prekur ashtu siç edhe e keni parashikuar në relacion ky ndryshim vjen si nevojë për të ndihmuar sektorin që është në krizë. Këtu jemi akord, por e njëjta gjë duhet të jetë edhe për nxjerrësit”, u shpreh deputetja Hyseni.

Në projektligjin fillestar të parashikuar nga këshilli i ministrave kostoja e buxhetit për 3 vite ishte parashikuar 500 milionë lekë, ndërsa pritet të finalizohet kostoja përfundimtare pas ndryshimeve të miratuara në Komision e Ekonomisë. Renta Minerare është një taksë që zbatohet për mineralet e nxjerra në vendin tonë. Aktualisht përjashtohen nga taksa 21 kompani të përpunimit dhe nxjerrjes së këtyre 2 metaleve.

Ky vendim i qeverisë sipas relacionit do të ndikojë edhe në nxitjen e mëtejshme të përpunimit e për pasojë edhe rritje të punësimit në këtë sektor.

I.K/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Redi: 07/12/2020 21:01

    Kjo pra eshte "kapje e shtetit". Ne kohe pandemie grupime te caktuar iniciojne ligje qe te perfitojne. Sa gjynaf qe jemi.

    Përgjigju
  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51