POP 5

Lajmet më të lexuara të 5 minutave të fundit

Kronikë

‘Gërdeci’/ Biznesi i vdekjes: David Packouz rrëfen takimet me zyrtarë të lartë shqiptarë dhe Shkëlzen Berishën!

David Packouz, ortaku i Efraim Diverolit që lidhi kontratë me qeverinë shqiptare me vlerë 300 milionë dollarë për tregtinë e fishekëve, ka rrëfyer takimet me zyrtarë të lartë shqiptarë, si dhe me Shkëlzen Berishën, djalin e ish-kryeministrit Sali Berisha

David Packouz, ortaku i Efraim Diverolit që lidhi kontratë me qeverinë shqiptare me vlerë 300 milionë dollarë për tregtinë e fishekëve, ka rrëfyer takimet me zyrtarë të lartë shqiptarë, si dhe me Shkëlzen Berishën, djalin e ish-kryeministrit Sali Berisha. Packouz foli në një intervistë të gjatë në podcast-in “Connect” të publikuar në datën 7 korrik të këtij viti për kontratën që ai dhe ortaku i tij lidhën me qeverinë shqiptare për tregtinë e fishekëve.

Sipas tij, Efraim Deviroli e siguroi kontratën nëpërmjet Mihal Delijorgjit, të cilin e takoi së bashku me Shkëlzen Berishën. Ndër të tjera Packouz flet edhe për biznesmenin Kosta Trebicka, i cili pas tragjedisë së Gërdecit denoncoi aferën, por fill më pas humbi jetën në një aksident sipas tij të dyshimtë, në qarkun e Korçës.

Ish-zëvëndës presidenti i kompanisë Amerikane “AEY”, ortak me Diverolin pretendon se politika shqiptare ishte e përfshirë në këtë proces. Sipas tij, Efraim Deviroli e siguroi kontratën nëpërmjet Delijorgjit, të cilin e takoi së bashku me Shkëlzen Berishën.

'Ai (Deviroli) shkon në Shqipëri! Shkon dhe takohet me drejtorin e kompanisë shqiptare të eksportit Ylli Pinarin. Evetualisht, Ylli thotë: Do bëjmë një takim me personin që i merr këto vendime! Dhe ai bën takim me një person që quhej Deliorgji. Deliorgji, gjë që e zbuluam më vonë, ishte kreu i mafies shqiptare. Dhe në një farë mënyrë u përfshi me këtë gjë dhe është i lidhur me djalin e kryeministrit, i cili ishte gjithashtu në takim.

Po kështu ndodh, edhe në Rusi! Qeveria dhe mafia, bashkëpunojnë me njëra-tjetrën! Kështu që Deliorgji i thotë Diverolit: E kuptoj që t'i do një çmim më të mirë dhe e di që je duke paguar, këtë personin tjetër Kosta Trebickën, këtë shqiptarin tjetër, për ripaketimin e municioneve! Atëherë pse nuk ma jep mua kontratën e ripaketimit? Unë do t’i ripaketoj dhe do të bëj para nga ajo kontratë dhe të jap një çmim më të ulët për municionet?

Efraim thotë: Po, kjo me duket ide shumë e mirë! Ai është i pushuar... t’i sapo u punësove!

Dhe Kosta që zotëronte kompaninë e ripaketimit më merr dhe më thotë: Më kanë ngelur paketime me vlerë 20 mijë dollarë! Këto nuk do t’ju duhen gjithsesi, atëherë pse nuk i blini nga unë? Që mos të humbas 20 mijë dollarë me këto paketime.

Edhe i them Efraim-it: Pse nuk i blejmë këto paketime nga ai? Edhe ai thotë: Varja atij! Çfarë mund të bëj ai? Edhe unë i thash... Efraim, ai di çdo gjë! Ai e di për ripaketimin dhe pse po e bëjmë ne këtë! Jepi 20 mijë dollarë! Ne kemi një kontratë prej 300 milionë dollarësh!

Si përfundim, Kosta u mërzit vërtetë shumë! Dhe kontaktoi me Neë York Times dhe u tregoi se çfarë ishim duke bërë. Dhe kontaktoi me FBI-në dhe u tregoi se çfarë ishim duke bërë! Dhe gabimi me i madh i tij ishte se ai kontaktoi me gazetarinë shqiptare dhe u tha atyre që politikanët shqiptarë ishin duke përfituar nga kjo marrëveshje. Një javë më vonë, ai përfundon i vdekur. Në një aksident shumë të dyshimtë me makinë. Asnjë nuk e beson se ishte vërtetë një aksident, por e bënë të dukej si të tillë!'- tha Packouz.

Gjatë intervistës, Packouz, (1.07), tregon po ashtu se Henry, tregtar zviceran armësh ishte një shok i mirë me djalin e kryeministrit.

‘Arritëm marrëveshjen nga Henry (Shenim: Heinrich Thomet), tregtar zviceran armësh që në film luhet nga Bradly Cooper. Henry ishte një shok i mirë me djalin e kryeministrit. Ai na dha çmimin më të mirë për kallashnikovët A4. Nuk e dinim që ishin kineze.’- shprehet ai.

David Packouz në shkurt të vitit të kaluar ka dhënë edhe një intervistë për Report Tv. Në intervistë, Packouz thotë se me Shqipërinë u lidhën nga miku i tyre Henry Tome (Heinrich Thomet), që kishte miq në qeverinë shqiptare në atë kohë. Ai thotë se në takimin që u zhvillua në Tiranë mes Diverolit, Ylli Pinarit dhe Delijorgji, ka qenë edhe djali i ish kryeministrit, Shkëlzen Berisha që e kanë njohur menjëherë.

Packouz është një prej dëshmitarëve që SPAK ka kërkuar që t'i merret dëshmia përmes letërporosisë në kuadër të procesit gjyqësor që po zhvillohet ndaj ish-ministrit të Mbrojtjes Fatmir Mediu.

Në lidhje me masakrën e Gërdecit me 15 mars 2008, ku humbën jetën 26 persona e qindra u plagosën, ish ministri i Mbrojtjes Fatmir Mediu po gjykohet për akuzën e 'shpërdorimit të detyrës'.

*Nga 1:30:06 flet për 'Municionet nga Shqipëria'

M.Q./xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29