Biznesmeni italian denoncon vjedhjen e makinës në Vlorë: Dyshoj se më kopjuan çelësin në lavazh

Një sipërmarrës italian ka denoncuar vjedhjen e automjetit të tij të parkuar poshtë banesës së tij. Ai ka kallëzuar në komisariatin e policisë se automjeti tip Mercedes Benz ka qenë i parkuar dhe kishte vetëm pak kohë që ishte parkuar nga pronari i tij. Lloji i Automjetit tip Mercedes Benz C -Class është me çelës me çip, çka do të thotë që nuk hapet lehtësisht.

E vetmja mënyrë për tu hapur është nëpërmjet kopjimi të çelsit. Sipas biznesmenit italian Andrea Oliviero, i vetmi dyshim që ai ka pasi është i vetmi vend ku ka lëshuar çelsin, është një lavazho në qytetin e Vlorës. Ndërkohë që kanë nisur hetimet për të kërkuar automjetin në pikat e shkrirjes së makinave, pasi dyshohet se automjeti mund të jetë shkrirë për pjesë ose mund të përdoret në ngjarje kriminale.

‘Unë parkova makinën si çdo natë tjetër poshtë pallatit ku jetoj prej 7 muajsh. Parkova të martën e 15 marsit dhe të mërkurën në mëngjes nuk e gjeta. Unë dyshoj disi por nuk e kam të sigurt! Mund të kenë bërë kopje të çelësit në lavazhin ku çoja makinën për ta larë. Kisha Mercedes Benz C 200 me naftë. Policia erdhi menjëherë pas denoncimit, pamë kamerat e sigurisë dhe rezulton se makina është vjedhur në orën 21:00 të mbrëmjes së 16 marsit. Po pres rezultatin e hetimeve!’- tha Andrea Oliviero.

LEXO EDHE:
Shiu i dendur në Vlorë, krijohet trafik i rënduar! Pushuesit largohen nga plazhet

M.Q./Sh.Sh/Shqiptarja.com

TAG:
• Vlore
• makine
• vjedhje
• policia e vlorës