POP 5

Lajmet më të lexuara të 5 minutave të fundit

Kronikë

Biznesmeni Janina lideri i
grupit të heroinës në Spanjë
Zbardhet dosja për pronarin e “Porcelanosa”

Organizatës me spanjollë dhe turq, iu kap në Spanjë 53 kg drogë e llojit heroinë. Si i kaloi pronat tek persona të tjerë pronari i "Porcelanosa", Nikolin Janina. Nisi të shesë pasuritë, që ditën kur emri i tij hyri në listën e të kërkuarve. Ja lista e pasurive dhe bilanci i të ardhurave të kompanive të Nikolin Janinës.  VIDEO
Biznesmeni Janina lideri i<br />grupit të heroinës në Spanjë<br />Zbardhet dosja për pronarin e “Porcelanosa”
Biznesmeni Nikolin Janina, rezulton të jetë lideri i një grupi kriminal me përbërje spanjolle dhe turq, të cilët trafikonin sasi të ndryshme heroine, morfinë dhe Opium në disa shtete të europës.

Organizatës iu kap 53 kilogramë heroinë
Në kuadër të këtij grupi kriminal që dyshohet se drejtohej nga biznesmeni i pllakave dhe hidrosanitareve, policia dhe prokuroria Spanjolle, ka sekuestruar një sasi prej 53 kg e 380 gramë heroinë.

Zbardhet dosja për pronarin e “Porcelanosa”
Gazeta “Shqiptarja.com” mëson se autoritet e drejtësisë Spanjolle në vitin 2015 kanë marrë një vendim për caktimin e masës së “arrestit në burg” ndaj Janinës, duke e akuzuar këtë të fundit për akuzën e “Pjesëmarjes në grupe kriminale të trafikimit të narkotikëve”.

Një burim i tha gazetës se më pas drejtësia Spanjolle ka proceduar në 15 prill 2016 me nxjerjen e emrit të biznesmenit Nikolin Janina, në listën e personave të shpallur në kërkim ndërkombëtar. Që prej kësaj date e deri më sot, policia dhe prokuroria Shqiptare nuk kanë marrë asnjë masë për arrestimin e biznesmenit Janina.

Autoritet shqiptare e justifikojnë mosveprimin e tyre, për shkak se Spanja nuk ka dashur të transferojë procedimin penal në Shqipëri, por edhe për shkak se nëse Janina do arrestohet, drejtësia Shqiptare nuk ka një marrëveshje ekstradimi me autoritet Spanjollë.

Këto dy pika, duket se s’po hapin dritën jeshile, për marjes e një mase sigurimi ndaj biznesmenit të njohur, që kërkohet për trafik droge në Spanjë. “…Jemi në kushtet kur ende nuk mund të veprojmë me proëedurën e arrestimit. Ne si prokurori Shqiptare, i jemi drejtuar me një kërkesë prokurorisë Spanjolle që të transferojë procedimin penal të rregjistruar aty, dhe ëështja ndaj Janinës të ndiqet në Shqipëri, por Spanjollët kanë refuzuar. Me sa duket prokurorët atje, kërkojnë ta monitorojnë vetë këtë hetim, për shkak të pjesëmarjes së shumë personave të kombësive të ndryshme në tarfikun e heroinën…”-thanë burimet pranë Prokurorisë së Përgjithshme.

Pavarëisht refuzimit të transferimit të procedimit penal në Shqipëri, autoritet Spanjolle u kanë kërkuar ndihmë policisë dhe prokurorisë Shqiptare që të identifikojnë pasuritë e biznesmenit Nikolin Janina. “Shqiptarja.com” mëson se në datën 21 shkurt 2017 Prokuroria e Krimeve të Rënda në bashkëpunim me policinë e Tiranës, kanë nisur hetimet për identifikimin dhe lokalizimin e pasurisë së këtij biznesmeni.

Përgjatë 5 muajve janë kryer dhjetëra veprime hetimore, nga të cilat janë përfituar të dhëna të dobishme për hetimin, që më pas kanë ëuar prokurorinë e Krimeve të Rënda ti drejtohet me një kërkesë gjykatës, për vendosjen e masës së sekuestros ndaj 13 pasurive të paluajtshme të biznesmenit Nikolin Janina. Një burim i tha “Shqiptarja.com” se gjatë kohës që hetohej nga prokuroria dhe policia, Janina është vënë në dijeni dhe menjëherë ka filluar të tjetërsojë tek persona të tretë disa nga pasuritë e tij.

Por pavarësisht këtij konstatimi, ai nuk ka mundur të fshehë pjesën më madhe dhe më me vlerë të pasurive që administron.

Në datën 12 korrik 2017, Gjykata e Krimeve të Rënda ka vendosur të sekuestrojë 13 pasuritë e Janinës, duke urdhëruar që ato tashmë të administrohen dhe përdoren nga Agjensia e Administrit të Pasurive të Paluajtshme pranë Ministrisë së Financave.

Dy muaj pas këtij vendimi, oficerët e policisë kryen ekzekutimin e këtij vendimi në hipotekë dhe në terren. Nuk dihet me saktësi se cilat kanë qënë arsyer se pse vendimi i gjykatës ka “fjetur” për dy muaj në sirtarët e policisë së Tiranës, por me sa duket shtrirja gjeografike e pasurive, mund të ketë dashur relativisht një kohë më të gjatë për lokalizimin e tyre në teren.

Pasuritë e sekuestruara nga prokuroria
Apartament në Tiranë me vlerë 62 mijë 475 euro

Pasuria me nr.7/630+5-2 në Tiranë me vlerë 82 mijë euro

Pasuria me nr. 7630+5-3 në Tiranë me vlerë 196 mijë euro

Pasuria me nr7/630-G216 në Tiranë.

Pasuria me nr. nr7/630-G217 në Tiranë.

Sipërfaqe tokë kullotë 2000 m2 në “Amallol” Himarë blerë në 2013, 400.000 lekë

Sipërfaqe tokë kullotë 2000 m2 sërisht në të njëjtin vend blerë me 400.000  lekë.

Sipërfaqe tokë kullotë dhe pyll 10.000 m2 ndodhur në Dhërmi-Himarë blerë 2.270.000 lekë.

Sipërfaqe tokë ulli me 5000 m2 ndodhur në vendin e quajtur “Lera” Himarë blerë 1.100.000 lekë.

Tokë me sipërfaqe 6666.6 m2 ndodhur në Porto-Palermo blerë me 3.000.000 lekë.

Tokë me sipërfaqe 4375 m2 ndodhur në Dhërmi-Himarë  blerë në 2013, kundrejt shifrës 993.625 lekë.

Pasuria me nr. 17/45+1-25 apartament në Vlorë

Pasuritë në Tiranë

Apartament në Tiranë me vlerë 62 mijë 475 euro

Pasuria me nr.7630+5-1 në Tiranë me vlerë 202 000 euro

Pasuria me nr.7/630+5-2 në Tiranë me vlerë 82 mijë euro

Pasuria me nr. 7630+5-3 në Tiranë me vlerë 196 mijë euro

Apartament në Tiranë  me vlerë e blerë në vitin 1999 (Jo e sekuestruar)

Pasuria me nr7/630-G216 në Tiranë.

Pasuria me nr. nr7/630-G217 në Tiranë.

Pasuria me nr.324/3/1 është transkiptuar në favor të të tretëve tek Gerdi dhe Ledi Leka

Pasuria me nr.324/3/3 është transkiptuar në favor të tretëve në prill 2017 Gerdi dhe Ledi Leka

Pasuria me nr. 146/38+1-10 është transkiptuar në favor të të tretëve në datën 25 tetor 2016 në emër të Gerdi dhe Ledi Leka

Apartament me sipërfaqe 110.1 m2  blerë në 2013 kundrejt shumës 74.812 euro, në pronësi të Helidon Janina

Pasuria në Kavajë

Apartament me sipërfaqe 76.25 m2 në Kryemëdhenj. E fituar me leje legalizimi dhe më pas shitur Helidon Muça në vlerën 130 mijë euro.

Pasuritë në Vlorë

Sipërfaqe tokë kullotë 2000 m2 në “Amallol” Himarë blerë në 2013, 400.000 lekë

Sipërfaqe tokë kullotë 2000 m2 sërisht në të njëjtin vend blerë me 400.000 lekë

Sipërfaqe tokë kullotë dhe pyll 10.000 m2 ndodhur në Dhërmi-Himarë blerë 2.270.000 lekë

Sipërfaqe tokë ulli me 5000 m2 ndodhur në vendin e quajtur “Lera” Himarë blerë 1.100.000 lekë

Tokë me sipërfaqe 6666.6 m2 ndodhur në Porto-Palermo blerë me 3.000.000 lekë

Tokë me sipërfaqe 4375 m2 ndodhur në Dhërmi-Himarë  blerë në 2013, kundrejt shifrës 993.625 lekë

Pasuria me nr. 17/45+1-25 apartament në Vlorë.

[gallery]23906[/gallery]

Redaksia Online
J.Sh Shqiptarja.com
 

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Atentati në Vlorë, 30 plumba drejt makinës së Kevin Hajrullës

Atentati në Vlorë, 30 plumba drejt makinës së Kevin Hajrullës

19 Dhjetor, 00:08