Aleksander Lukashenko, lideri autoritar i Bjellorusisë, ka falur edhe 32 të burgosur politikë, sipas kanalit proqeveritar në Telegram Pul Pervogo, edhe pse vlerësohet se 1300 aktivistë opozitarë vazhdojnë të jenë prapa grilave në Bjellorusi.
Identiteti i të burgosurve të falur nuk është zbuluar, por sipas raportimit, të gjithë kishin qenë të dënuar për ekstremizëm, akuzë që gjerësisht është përdorur kundër aktivistëve politikë.
Sipas kanalit në Telegram, në mesin e të falurve ishin 24 burra dhe tetë gra dhe nëntë nga ta ishin mbi moshën 50-vjeçare.
Vendimi për falje nënkupton lirimin e individëve nga vuajtja e dënimit të tyre, por jo edhe heqja e akuzës nga regjistrat për të kaluarën e tyre kriminale. Ata do të vazhdojnë të monitorohen nga Ministria e Brendshme, u tha në raportim.
Kjo është hera e gjashtë gjatë këtij viti që Bjellorusia fal të burgosur politikë, duke bërë që në total deri më tani të jenë falur 178 persona. Më herët gjatë këtij muaji, 31 të burgosur politikë u falën.
Vendimi i fundit për falje vjen pas shtypjes së ashpër të disidencës, pasi Bjellorusia u përball me protesta masive më 2020, kundër rezultatit të zgjedhjeve presidenciale. Lukashenko u përgjigj me shtypje të fuqishme të protestave, duke detyruar të paktën 13.000 persona të largoheshin nga vendi.
Sipas organizatave për të drejtat e njeriut, afër 1.300 të burgosur politikë vazhdojnë të jenë në burgjet bjelloruse dhe në mesin e tyre ka edhe gazetarë, mbrojtës të të drejtave të njeriut dhe aktivistë të shoqërisë civile.
Bjellorusia pritet të mbajë zgjedhjet e reja presidenciale në janar të vitit 2025 dhe Lukashenko gjerësisht pritet të shpallet fitues. /REL/
Lajme të tjera
-
Bjellorusia në prag të zgjedhjeve presidenciale, regjimi i Lukashenkos arreston 7 gazetarë
13 Dhjetor, 08:13 -
Lukashenko shpalos planet për vendosjen e raketave ruse Oreshnik në Bjellorusi
10 Dhjetor, 18:19 -
Putin: Rusia do të vendosë raketa të reja Oreshnik në Bjellorusi
6 Dhjetor, 22:50 -
Rusia dhe Bjellorusia nënshkruajnë traktatin për garancinë e sigurisë, në dokument përfshihen edhe armët bërthamore
6 Dhjetor, 15:24 -
Jepnin informacione për inteligjencën ruse, dy persona nën hetim në Milano nga prokuroria antiterrorizëm
20 Nëntor, 18:46 -
SHBA hetime rreth publikimit të paautorizuar të dokumenteve sekrete, mbi planet izraelite për të sulmuar Iranin
20 Tetor, 18:34 -
Bjellorusi, çfarë nënkupton falja e 30 të burgosurve politikë nga Presidenti Lukashenko?
7 Shtator, 22:20 -
Reagime pas akuzave të Francës ndaj Ceos-s së ‘Telegramit’
30 Gusht, 16:53 -
Nis hetimi për Ceo-n e Telegram, jep 5 mln euro për lirimin me kusht! I ndalohet largimi nga Franca
28 Gusht, 22:56 -
Presidenti Macron i kërkoi Durovit të zhvendoste selinë e Telegram në Paris, sipërmarrësi rus refuzoi
28 Gusht, 10:42 -
Macron: Arrestimi i drejtuesit të aplikacionit ‘Telegram’ nuk është politik
26 Gusht, 21:11 -
Kush është Pavel Durov, dhe pse u arrestua në Francë! Dritë hijet e aplikacionit, Telegram
25 Gusht, 13:56
