Bjellorusia pretendon se një helikopter ushtarak polak ka shkelur kufirin mes dy vendeve

Bjellorusia akuzoi sot Poloninë se një helikopter ushtarak ka shkelur kufirin mes dy vendeve.

Sipas Komitetit Shtetëror të Kufirit Bjellorusi, helikopteri ushtarak Mi24 kaloi kufirin, duke fluturuar në një lartësi shumë të ulët dhe depërtoi në një thellësi prej 1200 metrash në territorin e Bjellorusisë. Më pas ai u kthye në territorin polak, raportojnë mediat e huaja.

Ministria e Punëve të Jashtme të Bjellorusisë njoftoi se thirri të ngarkuarin me punë të Polonisë për një shpjegim dhe kërkoi që incidenti të hetohej.

Lajmi kryesor:

Lufta/ Alarm për bomba në shkollat e Kievit! Moska: Sistemi i raketave Sarmat vihet në gatishmëri! SHBA: Suksese të dukshme të Ukrainës në 72 orë

S.S/E.H/Shqiptarja.com

TAG:
• bjellorusi
• poloni