POP 5

Lajmet më të lexuara të 5 minutave të fundit

Opinion

Bledi Lumani: Ai momenti i tmerrshëm, kur iu kyçet goja nga faktet

Përveç Monikës, Tedit, dhe atij sekretarit që Ilir Meta e përdorte si shofer, arrestimi i ish-presidentit ka tronditur dhe analistët e mbrëmjeve të vona.

Bledi Lumani: Ai momenti i tmerrshëm, kur iu kyçet goja nga faktet

Ilir Meta

Përveç Monikës, Tedit, dhe atij sekretarit që Ilir Meta e përdorte si shofer, arrestimi i ish-presidentit ka tronditur dhe analistët e mbrëmjeve të vona.

Kanë që dje në darkë, që janë të shokuar, pse Ilir Metën e arrestuan duke e tërhequr zvarrë. Me sa duket, prisnin që Ilirit t’i shkonin në zyrë me një tufë me lule dhe t’i kërkonin me mirësjellje që t’i ndiqte në Polici.

Vetëm se vjen një moment i tmerrshëm për ta dhe mediat ku punojnë, që ua kyç gojën. Është ai momenti kur fillojnë dhe dalin faktet e dosjeve korruptive.

Aty ata fiken dhe pastaj njësoj si në këtë rast, merren jo po pse e tërhoqën zvarrë, jo po e kishin goditur pak në kokë, jo po ata socialistët i kanë arrestuar më me butësi etjera si këto.

Se pse e bëjnë ata këtë mbrojtje të neveritshme dhe këtë përpjekje për të devijuar debatin, për politikanin simbol të korrupsionit, kjo nuk është e vështirë për t’u kuptuar.

Është gjëja më e paktë që mund të bëjnë për të fundja, se ka vite që i “dorovit”.

Por këtij momentit nuk i shpëtojnë dot, provat, faktet, aferat korruptive, të cilat ata as guxojnë t’i shikojnë me sy, larg qoftë t’i botojnë apo t’i përmendin.

Ndaj mos u habisni fjala vjen, nëse sot në mbrëmje do të shihni ndonjë emision me titull “Si u rrëmbye Ilir Meta”, apo “Pse Edi Rama e do në burg Ilir Metën”, apo akoma më tej, “Si e paralajmëroi Edi Rama arrestimin e Ilir Metës”.

Vetëm asaj, dosjes me fakte, se si Ilir Meta kërkonte vetëm me një dorë 200 mijë euro, apo se si Monika Kryemadhi, vetëm për gjysëm ore harxhonte 12 mijë euro për rroba, apo si ka harxhuar qindra mijëra të tjera për të rregulluar buzët, vetullat, hundën, gjoksin e kështu me radhë, ata do t’i rrinë larg.

Por qajuani hallin dhe mos i merrni shumë seriozisht, as mos i urreni apo përçmoni! Nga halli e kanë dhe ata, nuk është e pakët ajo që u ka ndodhur!

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pena: 22/10/2024 20:10

    Me ne fund nje gazetar I vertete,demokrat dhe qytetar!

    Përgjigju
  • Sondazhi i ditës:

    A e forcojnë besimin tuaj tek SPAK arrestimet e Metës e Çyrbjas?

Lajme të tjera



×

Lajmi i fundit

Von der Leyen nesër në Kosovë, takohet me Osmanin e Kurtin

Von der Leyen nesër në Kosovë, takohet me Osmanin e Kurtin

25 Tetor, 23:03