Blerim Destani i mëson Dafinës puron

Për ata që nuk e dinë ende, një nga pasionet e veçanta të aktorit Blerim Destani janë purot tejet të kushtueshme kubaneze. Por duket se këtë pasion ai po ia “ngjit” edhe VIP-ve të tjerë dhe kjo duket më së miri në këtë foto ku aktori shfaqet me Dafina Zeqirin në një lokal të Prishtinës teksa shijojnë duhanin e rrallë me origjinë nga Kuba. Sigurisht që të gjithë kanë komentuar në internet mundësinë se mos ndoshta mes tyre ka pasur diçka, sidomos pas ndarjes së Dafinës nga fejuari. Por në fakt ata janë thjesht miq dhe përpiqen të argëtohen së bashku me gjithfarë mënyrash. Sigurisht këngëtarja ka dashur të provojë një eksperiencë tjetër, siç janë purot, prandaj edhe nuk i ka thënë dot “Jo” këtij tundimi, teksa ka parë Blerimin që i shijon ato. Ndoshta në këtë mënyrë Dafinës i lind dëshira për ta aktruar, pasi Blerimi do të jetë i pari që mund do ti propozojë ndonjë rol në film.