Blerja e sistemit anti-raketor kinez nga Serbia, Vuçiç i përgjigjët Kurtit dhe Gjukanoviç: Nga ju mbrohemi me sprej mizash

Blerja e sistemit anti-raketor kinez nga Serbia, Vuçiç i përgjigjët Kurtit dhe Gjukanoviç: Nga ju mbrohemi me sprej mizash

Presidenti i Serbisë, Aleksander Vuçiç

Presidenti serb Aleksandar Vuçiç tha se homologu i tij malazez Milo Gjukanoviç dhe kryeministri i Kosovës Albin Kurti po përhapin urrejtje ndaj serbëve dhe Serbisë.

Vuçiç tha se një fushatë kundër Serbisë është krijuar nga ato që ai i quajti qendrat e huaja të pushtetit dhe pjesë e rajonit gjatë gjashtë muajve të fundit.

 “Roli më i spikatur në atë urrejtje të hapur e të zhveshur ndaj Serbisë dhe gjithçkaje serbe nga Albin Kurti dhe Milo Gjukanoviç, të cilët gjithmonë përdorin gënjeshtra, qëndron vetëm me një qëllim, të portretizojnë veten si viktima dhe Serbinë si agresore”, tha ai.

Ai i akuzoi se po përdorin faktin që Serbia ka blerë sistemin antirakertor nga Kina, për të thënë se Serbia është një aleate e Rusisë dhe Kinës dhe rrezikon paqen në rajon.

"Ata nuk mund të thonë se ne po i vëmë në rrezik, pasi ky sistem është krijuar për të shkatërruar raketat lundruese të armikut që futen në hapësirën ajrore të vendit tonë. Do të ishte më mirë të blinim sprej kundër mushkonjave, sepse është më e rëndësishme të mbrohemi nga mizat dhe mushkonjat sesa çdo forca ajrore serioze që ata kanë," tha ai.

Ai tha se qëllimi është të dëmtohet Serbia dhe ta shohin sa më dobët, sic ka qenë kur shpalli pavarësinë Kosovë", u shpreh Vuçiç, ndërsa shtoi se Serbia tani është i vetmi vend neutral ushtarak në rajon.

“Lëreni Serbinë të qetë, mos gënjeni, mos e mashtroni publikun”, tha Vuçiç.

Gjukanoviç dhe Kurti të dy shprehën shqetësim mbi blerjet e fundit të armëve nga Serbia. Gjukanoviç shprehu shqetësimin për tendencën e zgjeruar të Serbisë për të blerë armë nga vendet që janë rivale dhe armiq të vendeve anëtare të NATO-s. Kurti paralajmëroi se Serbia duket se është në panik sepse e kupton që nuk mund të jetë më në tre-katër vende përnjëherë dhe po përpiqet të forcohet që të mund të mbetet vetëm.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Beni: 13/04/2022 15:36

    Hahahah jua ke ber mire ketyre palacove se dhe skane bythe dhe mjau mjau

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet