Bllokimi i ashensorit, reagon QSUT: Janë në një sistem mirëmbajtje të plotë, pritet ekspertiza e mëtejshme për shkakun

QSUT ka reaguar pas incidentit që ndodhi brenda ambienteve të spitalit, ku ashensori pësoi defekt dhe për pasojë, mbetën të lënduar pacientit dhe barrelmbajtësi. QSUT thotë se ashensorët janë me një sistem mirëmbajtës të plotë nga kompania kontraktore, ndërsa për incidentin, pritet ekspertiza e mëtejshme për të vlerësuar shkakun.

‘Qendra Spitalore Universitare informon se gjatë mbrëmjes së djeshme, në urgjencën e sëmundjeve të brendshme, gjatë transportit të një pacienteje për kryerjen e ekzaminimeve radiologjike, ka ndodhur një incident në një prej ashensorëve.

LEXO EDHE:
Tiranë, protesta nesër, bllokohet bulevardi pranë bashkisë, policia bën thirrje të shmangen aktet e dhunës

Pacientja, e shoqëruar nga infermieri dhe barrelambajtësi, në dalje nga ashensori, pati lëndime, së bashku me barrelambajtësin, si pasojë e një defekti të ashensorit.

Infermieri dhe stafi mjekësor i kanë dhënë menjëherë ndihmën e nevojshme nevojshme pacientes dhe barrelambajtësit.

Më pas pacientja u konsultua nga specialistët për këtë lëndim, si dhe vijoi konsultat dhe ekzaminimet për sëmundjen dhe pas kryerjes së skanerit me kontrast, rezultoi me tromboemboli pulmonare, diagnozë për të cilën është në mbikqyrjen e ekipit mjekësor.

QSUT informon se, të gjithë ashensorët janë në një sistem mirëmbajtje të plotë nga kompania e kontraktuar për shërbimin e mirëmbajtjes, të cilat kryhen periodikisht, sipas kontratës në fuqi. Pritet ekspertiza e mëtejshme për të vlerësuar shkakun e këtij incidenti.’- njofton QSUT.

Lajmi kryesor:

Këputet kabulli në ashensorin e QSUT-së, barrelmbajtësi dhe pacienti bllokohen brenda dhe mbeten të lënduar! Në hetim tekniku dhe administrator i firmës (VIDEO)

M.Q./Shqiptarja.com

TAG:
• QSUT
• Nene Tereza
• Tirane
• ashensor