POP 5

Lajmet më të lexuara të 5 minutave të fundit

Kronikë

Bllokimi i Gjykatës së Lartë, KLGJ ngre alarmin: Duhen 17 vite për të shqyrtuar dosjet e mbledhura!

Deri në vitin 2036 qytetarët shqiptarë që presin të marrin një vendim nga Gjykata e Lartë do të presin me shpresë. Alarmin e ngre Këshilli i Lartë Gjyqësor, i cili thotë se në këtë gjykatë 22.000 dosje janë të bllokuara ndërsa pritet që edhe 31.000 të tjera të shtohen. Ndalur tek moszbardhja e vendimeve të arsyetuara sipas KLGj-së gjyqësori në Vlorë dhe Lushnje kanë rekordet negative duke vonuar drejtësinë.

TIRANE - Për tu shqyrtuar dhe dhënë një vendim nga drejtësia shqiptare për mijëra dosje të bllokuara në sistemin e drejtësisë do të duheshin minimalisht edhe 17 vite.

Është ky alarmi i ngritur nga Këshilli i Lartë Gjyqësorë në raportin e tij për situatën e gjyqësorit prezantuar prej tyre pak kohë më parë. Aktualisht Gjykata e Lartë është e bllokuar dhe aty nga 19 anëtarëte parashikuara është vetëm një, Ardian Dvorani, ndërsa pjesa tjetër është dorëhequr dhe shkarkuar prej procesit të vetting.

Në raportin e siguruar nga ReportTv deri në vitin 2036 qytetarët shqiptarë do duhet të presin me shpresën se e drejta do të vihet në vend.

Ky parashikim përkon me situatën në Gjykatën e Lartë ku aktualisht janë mbi 22.000 dosje të bllokuara ndërsa sipas KLGj situata pritet të bëhet me rëndë ku në këtë gjykatë nga apelet pritet të mbërrijnë dyfishi i kësaj shifre mbi 31.000 dosje të tjera. 

Një tjetër situatë e zymtë e krijuar me sistemin e drejtësisë është edhe vonesa e zbardhjes së vendimeve nga gjyqtarët.

Me postulatin se drejtësi e vonuar është drejtësi e mohuar, listën e gjykatave që nuk zbardhin në kohë vendimet e kryeson Gjykata Administrative e Shkallës së Parë Vlorë me 407 raste; Gjykata e Apelit Vlorë me 332 raste; ndjekur më pas nga Gjykata e Rrethit Gjyqësor Lushnje me 161 raste dhe Gjykata Administrative e Apelit me 106 raste.

Kjo situatë sipas KLGJ vjen për shkak të mungesës së gjyqtarëve të cilët janë shkarkuar prej vetting apo pjesa tjetër është vetëlarguar.

Aktualisht në proces KLGj ka zhbllokimin e gjykatës së lartë ku ka nisur fazën e emërimeve dhe nga 22 kandidatë që aplikuan në fazën e dytë janë përzgjedhur vetëm 8 vetë.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Luli: 15/09/2019 16:29

    Normal.......po te fleje zaganjori me shoke mbi dosje aq do jene!po njerezit qe jane ne mungese lirie.....si do ja bejne?se kto maskarenjte kane dhene plot vendime te padrejtA

    Përgjigju
  • Juristi: 15/09/2019 15:04

    Beni nje dispozite kalimtare. Kush ka 2 vendime te fituara te mos kaloj per gjykim ,te mbyllet direkt. Se keshtu nuk i dilet me. Ose ngrini tarifat e ankimit per gjykat te larte se per nje gardh mblidhen 3 gjykata e gjykojne. Pfffff

    Përgjigju
  • Robshi PPPD Becheti 140: 15/09/2019 12:53

    Dërgojani kalaveres me shokë e shoqe se i rregullon ajo... apo është e zënë me propagandë ...shtet kavie... njerëz me bisht... njësoj si 46 do hamë me lugë floriri sa të bëjmë vetingun... 6 vjet asgjeberje që justifikohet me shkatërrim gjyqësori... ja sa të shkatërrohet dhe apeli se pastaj fillon drejtësia popullore me partinë në krye...

    Përgjigju
  • Haha: 15/09/2019 12:16

    Qe ta zgjidhin le te hrqin dhe apelin e ska me dosje

    Përgjigju
  • www.youngtribune.com: 15/09/2019 11:54

    Drejtesia ka nje cmim e thone apo jo

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Sali Berisha: Do heqim mesataren për pranimin në universitete! Studentët do marrin 200 euro çdo muaj

Sali Berisha: Do heqim mesataren për pranimin në universitete! Studentët do marrin 200 euro çdo muaj

17 Dhjetor, 22:51